جمبري مانهاتن
 

-- نصف كيلو جمبرى كبير او جامبو متنضف كويس بالملح والخل والليمون ومتقشر ماعدا الذيل
ومتبل ب (( كمون + كسبرة ناشفة + بهارات سمك + بابريكا + رشة ملح خفيفة ))

-- 1/2 كوب زبدة مش ذائبة(( لازم زبدة ))
--ملعقة كبيرة مستردة
--عصير ليمونة
-- 3 فصوص ثوم مفرومين
-- ملعقة كبيرة كسبرة خضراء مفرومة
-- 2 ملعقة كبيرة بقدونس مفروم
-- ملعقة كبيرة شبت مفروم
-- ملح حسب الرغبة بس متكتريش عشان الجمبرى متملح وبيشرب الملح

** الطريقة :
نتبل الجمبرى كويس ونرصه فى طبق الفرن
تخلط كل المكونات الباقية على نار متوسطة لحد ماتذوب الزبدة خالص والصوص يتقل شوية ثم يرفع من على النار

ويصب الصوص على الجمبرى ويتقلب فيه تقليب خفيف يخليه يتشرب الصوص
ويدخل فرن حار 220 درجة لمدة ربع ساعة تقريبا
اول مايطلع هيكون الصوص سايح شوية بس اول مايهدا فى خمس دقايق هتلاقى الصوص تقل وتماسك

واو افتكرت الريحة والطعم على فكرة دى الطريقة المفضلة عندى انا وزوجى العزيز فى الجمبرى
وبس خلاص مع رز ابيض وشوربة الجمبرى الروعة استمتعوا بطعم جمبرى جديد جدا ورهيب جدا جدا جدا
وعلى فكرة الطريقة دى اجنبية يعنى عندكم وصفة حصرية مش هتلاقوها فى مكان تانى ;)

رد: جمبري مانهاتن
 

الله يعطيك العافيه
طبق مميز وان شاء الله اسويه

رد: جمبري مانهاتن
 

رد: جمبري مانهاتن
 

شكرا لك
ابداع متواصل
تقبلي مروري وردي

رد: جمبري مانهاتن