البريوش
 

البريوش :

**المقادير :
1 كوب سكر
1 كوب لبن
نصف كوب سمن
نصف كوب زيت
6 كوب دقيق + 1/2 م ص ملح
5 بيض, فانيليا
3 ملاعق خميرة ( او قطعة خميرة)
بشر برتقالة كبيرة
زبيب (اختيارى )
بياض بيضة وسكر وقرفة لتزين الوجه (( القرفة اختيارى برضه للى بيحها بس بتكون احلى جدا على فكرة ))

** الطريقة :
-- تخمر الخميرة بملعقة سكر وقليل من الماء الدافئ
وترك لمده 10 دقائق

-- يوضع اللبن والسكر على النار حتى يدفأ (دافئ فقط وليس ساخن)
-- يضاف السمن والزيت على اللبن على النار ويقلب حتى تذوب السمن
-- يرفع من على النار ويترك جانباً ..
-- ينخل الدقيق فى وعاء عميق مع الملح ويترك جانبا ..
-- يخفق البيض والفانيليا وبرش البرتقال بالمضرب السلك جيدا ,, يضاف الزبيب ويخفق جيدا..

-- ويضاف خليط البيض للدقي ثم الخميرة ويقلب جيداً ,, وهيكون العجين مفرول ومفتفت
-- ثم تضاف باقى المكونات السائلة وتعجن جيداً حتى تحصلى على عجينة طرية ومطاطة لا تلتصق باليد وتنفصل تماماً من الوعاء ..
يمكن اضافة قليل من الدقيق اذا احتاج الامر ..

-- تغطى بفوطة نضيفة وترك لتخمر ساعة ,,
-- بعدين تقسمى العجينة كور متوسطة ,, وكل كورة تفرديها مستطيل بالنشابة وتقطعى المستطيل شرايط بالطول وكل شريط تلفيه على نفسه رول زى السويسرول والرول ده تلفيه دايرة زى الشكل (( هى سهلة جدا بس شرحها بالكتابة يبان كتير شوية ))

وترص فى صاج الخبز على ورق زبدة
وتسيبيها تانى على اد ماتقدرى فى الصوانى هتعلى جدا وتنفش وتبقى جميلة (( انا عملتها بالليل وسبت التسوية للصبح وبيتها فى الصوانى فى الفرن الصبح لقيتها منفوخة وشكلها يجنن ))
الصبح بقى ياستى تسخنى الفرن على حرارة 200 ,, وتجيبى بياض بيضة تخفقيه بالشوكة مع شوية فانيليا ,, وترشى سكر على البريوش وبعدين تدهنى بياض البيض بالفرشة وترجعى ترشى سكر تانى وقرفة ,, وتدخليها الفرن وكل 10 دقايق تفتحى وتلفى الصوانى او الصاج عشان كل القطع تاخد نفس التسوية ومش هتكمل تلت ساعة فى الفرن وخلى بالك منها عشان ماتلهفش ,, واول ماتطلع تغطيها على طول بفوطة عشان تفضل طرية ..
ريحتها رهيبة قلبت الدور كله وجيرانى كانوا هيتجننوا عليها ,, هشة جدا جدا وسكرها خفيف ,, عارفين بعت لجارتى طبق بقوا يفتحوها بالسكينة زى الكيزر كده ويدهنوها زبدة ومربى او زبدة وعسل ويلفوا كل واحدة بفويل ويدخلوها الفرن او الميكرويف 5 دقايق بالضبط بتطلع دايبة وشاربة المربى او العسل امبارح جربتها كده برضه طلعت وهم والنهارده فطرنا بيها كده مع الشاى احلى فطار والله ,,
جربوها بجد هتعجبكم جدا وهتدعولى

رد: البريوش
 

تسلم الايادي

رد: البريوش
 

مشكوره غلاتي

رد: البريوش
 

شكرا لك
ابداع متواصل
تقبلي مروري وردي