|
احبك ربي..فرصة للتغير حتى بعد رمضان
https://www.saudinokia.com/vb/images/...4010fc17c1.gif
حان الوقت ان نرضي من وهبنا الحياة حان الوقت ان نرجع إلى من لا يمل من توبتنا حان الوقت ان نناجي من يحب ان يسمعنا حان الوقت ان نعود إلى من يشتاق إلينا حان الوقت ان نتذكر من لا ينسانا حان الوقت ان نصرخ....احبك ربي احبك ربي.... كلمة...تتعلق بها قلوب العابدين كلمة..هي لسان حال العباد الربانيين كلمة...هي مبتغى كل محب وغاية كل مشتاق كلمة..سنحيا بها ومن أجلها وهي منتهى كل قول وفعل https://www.saudinokia.com/vb/images/...40caa81991.gif هنا سنذكر كل يوم عملا و هنحاول نفهمه عشان نطبقه صح فكرة الموضوع مستوحاة و منقولة من برنامج احبك ربي للداعية مصطفى حسني جزاه الله خيرا و انا هحاول اني انقل لكم اهم مضامين هذا البرنامج حتى نهاية رمضان بإذن الله و إنشاء الله تعجبكم الفكرة و نفيد و نستفيد و الله يخليه في ميزان حسناتنا جميعا و سبب اختياري لهذا البرنامج و الأستاذ مصطفى حسني هو انه بيخليك قريب قوي لربنا ;و يخلينا نكتشف حجات مكناش عارفين انها جوانا و نكتشف من كلامه ان بداخلنا حب لربنا و الإسلام ما كناش حاسين بيه و لامسينه و هذا الشي اللي دايما احسه بعد انتهاء كل حلقة و اتمنى اننا نوصل لاهداف هذا البرنامج و كذلك الموضوع و نحققها..انتظروني |
رد: احبك ربي..فرصة للتغير حتى بعد رمضان
السلام عليكم جميعاً، وكل عام وأنتم بخير.
كل سنة بنستقبل رمضان بنية طلب المغفرة والرحمة والعتق من النيران، ما أشرف هذه النوايا! لكننا دائماً نتمني أن نرتقي خطوة إلى جانب الرحمة والمغفرة والعتق من النيران، خطوة كان يبحث عنها أشرف جيل عرفته البشرية، جيل الصحابة، صحابة النبي صلى الله عليه وسلم وهم من أنزل الله فيهم قوله تعالى: (السَّابِقُونَ الْأَوَّلُونَ مِنَ الْمُهَاجِرِينَ وَالْأَنصَارِ وَالَّذِينَ اتَّبَعُوهُم بِإِحْسَانٍ رَّضِيَ اللَّـهُ عَنْهُمْ وَرَضُوا عَنْهُ وَأَعَدَّ لَهُمْ جَنَّاتٍ تَجْرِي تَحْتَهَا الْأَنْهَارُ خَالِدِينَ فِيهَا أَبَدًا ذَٰلِكَ الْفَوْزُ الْعَظِيمُ)التوبه(100) سر الثبات: في أحبك ربى كل يوم سنتعلم عمل من أحب الأعمال الى الله حتى نتعلم الثبات عليه ويتكون بداخلنا سر الثبات، وهو ان تعبد الله بفهم، تعبد الله بأعمال، انت تعلم كم يُحبها الله ولماذا يُحبها. أحب الأعمال إلى الله: الجميع يعرف ماهي أحب الاعمال الى الله، بس كثير منَّا يُنفذها وكأنها تكليف شرعي وليست لإنها أحب الأعمال الى الله، كلمة الحب هي مشاعر ورب العالمين يُحب أن يرى هذا الشعور داخل قلوبنا ونحن نقوم بأحب الأعمال اليه؛ لأنه يٌحبها ويحُبنا. هنوحد نيتنا فى رمضان عايزين ربنا يفرح بينا ويرضى عنا ويضحكلنا ويباهي بنا الملائكة؛ بحيث أن نخرج من رمضان وجميعنا يعرف ماهى أحب الأعمال الى الله ونتعلق بها ونثبت عليها حتى نلقي الله على هذه الأعمال حتى الممات. و الهدف من الموضوع هو الهدف من البرنامج بالضبط و هو : الهدف الاول :- هو أخذ خطوة لرفع مقام العبد عند الله سبحانه وتعالى من مقام الباحث عن المغفرة والرحمة والعتق من النيران، لمقام الباحث عن الرضا وعن الفرحة عند الله عز وجل، مقام المحبين، مقام الصحابة السائلين عن أحب الأعمال الى الله، فهى خطوة للأمام و ونحن جميعاً نريد هذا المقام. الهدف التانى:- الهدف هذا إذا تحقق سيُغلق فجوة كبيرة جداً مُلحوظة فى العالم الإسلامي، فجوة الثبات فجوة إننا دائماً ندخل رمضان بنية أن شاء الله هتغير وهثبت بعده وكثير مننا يحدث له حالة من الصدمة أو حالة من الإحباط بعد 10 ايام او بعد ما ينتهي لأنه لم يثبت على هذا الحال بعد رمضان، وسر الثبات هو أن ندرك تماما أن ما نقوم به هو أحب الأعمال الى رب العالمين وأن نستوعب إن نؤدي هذه الأعمال كيفما يُحب رب العالمين. سنتتبع قصص الصالحين، من لدن سيد الصالحين مُحمد صلى الله عليه وسلم حتى اشخاص يعيشون فى وسطنا الآن ثابتين على الأعمال الصالحة، التي يُحبها الله سبحانه وتعالى وسنتأمل كيف ثبتوا؟ و لماذا ثبتوا؟ وماهي الدوافع التي تكونت بداخلهم؟ وماهى المعلومات التي علموها لكي يظلوا دائماً مقربون من الله سبحانه و تعالى. حلقة ورا حلقة، (و نحن معا موضوع ورا موضوع )..عمل ورا عمل، فريضة ورا فريضة، نافلة ورا نافلة، نتعلم ماذا ولماذا، ماذا يُحب الله ولماذا يُحبه، حتى نجعل كل يوم نعيشه هدية بين يدي الله. من موقع الاستاذ مصطفى حسني |
رد: احبك ربي..فرصة للتغير حتى بعد رمضان
بارك الله فيك
وجزاك الله الخير على مجهود تفريع انا كنت حابه اعمله موضوع ادراج روابط لكن هذا افضل ولاباس لو نشرنا رابط الحلقه |
رد: احبك ربي..فرصة للتغير حتى بعد رمضان
متابعون ان شاء الله
|
رد: احبك ربي..فرصة للتغير حتى بعد رمضان
|
رد: احبك ربي..فرصة للتغير حتى بعد رمضان
التوبة و الاستغفار
بسم الله الرحمان الرحيم يوم جديد و نية جميلة نية هنتفق عليها اننا نوحد نيتنا عشان ننال رضا الله تعالى في الشهر الكريم هناخد خطوة السنة دي من خطوة طالب النجاة و العتق من النيران و المغفرة جمب الخطوة الشريفة دي ناخد خطوة طالب رضا و فرحة ربنا و انو اذا كان ربنا ذكر انو بيضحك لبعض الاعمال هنعملها عشان ربنا يضحك و يباهي بينا الملايكة انا النهاردة جاية اكلمكم عن عمل من احب الاعمال الى الله تعالى و ارقى الاعمال و اشرف الاعمال و العمل ده كان لازم يكون في بدايات الايام الجميلة دي العمل ده انتو عارفين اننا اتفقنا اننا بنبحث في كلام الله ربنا بيقول بيحب ابه و نبحث في كلام سيدنا محمد صلى الله عليه وسلم لما الصحابة بيسالوه اي العمل احب الى الله تعالى او هو كان يبادر و يقول ربنا بيحب ايه عشان نقول لربنا احبك ربي بعمل هذا العمل و بالكيفية كمان اللي بتحبها يا رب العالمين فتحت كتاب الله كاني معرفش اي حاجة عن ربنا و قولت للما اشوف ربنا بيقول ايه عن نفسه و عن الحجات اللي بيحبها عشان ابني اساسي من اول و جديد بس ابنيه متين فقرب و انا قوي و فاهم بعبد ربنا ازاي و ليه فوجئت بشي غريب جدا ان اول قصة في القرءان ربنا حكاها فالقرءان يا جماعة ثلثه قصص مليان بالقصص و اول قصة في القرءان ربنا حكاها هي قصة انسان غلط قصة انسان غلط في مكان مش المفروض حد يغلط فيه مكان مليان بالروحانيات مكان مافيهوش صحبة وحشة مكان كل حاجة فيها حلال الا حاجة وحدة بس "الشجرة" ومع ذلك سيدنا ادم الشيطان يغويه ويخليه ياكل من الشجرة الشيطان يدفعه انه هو الشجرة الوحيدة اللي في الجنة اللي في جوار ربنا المكان اللي كله روحانيات و مع ذلك يغلط سيدنا ادم لكن اجمل ما في القصة ازاي القصة ختمت بعد ما ربنا قال( فأزلهما الشيطان عنها فأخرجهما مما كانا فيه وقلنا اهبطوا بعضكم لبعض عدو ولكم فى الأرض مستقر ومتاع إلى حين ) اسمع ختمت القصة (فتلقى ادم من ربه كلمات فتاب عليه انه هو التواب الرحيم ) اول مرة ربنا يقول عن نفسه في القرءان انه تواب رحيم كانت في القصة دي و كانه لم تظهر صفة التوبة و الرحمة الا عند الخطا يا سلام احنا النهار ده جايين نتكلم على عبادة التوبة بين يدي الله عز وجل و الرجوع بين يدي الله عز و جل هنتكلم قد ايه بيحبها و ليه عشان و انت بتوب تبقى فاهم ليه بيحب و ليه بطالريقة دي هتوب و ايش معنى يا رب الهيئة دي و المشاعر دي و انا اصلا معرفش ايه المشاعر اللي بتحبها في قلبي لما اتوب هنتعلمها مع بعض عشان نقله احبك ربي بتوبة كما تحب يا رب العالمين بس خليني اقلك حاجة واخد بالك ان اول قصة تتكلم عن غلطة ربنا يا جماعة بيحب لحظة الصلح لحظة الصلح اللي حصلت لما تلقى ادم من ربه كلمات واخد بالك ان سيدنا ادم مكانش بيعرف هيعمل ايه ربنا اللي قله انا بحب التوبة انا بحب ترجع لي خد الكلام ده و قوله ولما تقوله انا هفرح ربنا اللي قاله توب ربنا اللي علمه زي ما بيعلمنا نتوب ازاي انا النهاردة جاي اتكلم عن لحظة ربنا بيحبها و اتفقنا هنسميها لحظة الصلح عارف ليه ربنا بيحب التوبة ليه و بيفرح بالتوبة و بيقول ان الله يحب التوابين و يحب المتطهرين تحبهم ازاي واحد اجرم في حقه تحبه ليه لما يرجع لك الطبيعي ان بالعافية يتقبل الشخص ده لكن كمان تحبه لما يرجع واحد اجرم في حق ربنا و يحبه لما يرجع له عارف ليه يقولو العلماء الانسان ربنا بيشوف في قلبه ان ربنا اغلى عنده من روحه ليه لان الذنب يا جماعة شهوة و لذة شهوة حاضرة و ملموسة ليه قلك تسيبها و ترجع لربنا ما تخليك مستمتع الم الفراق الم الفراق اللي حصل بينك و بين ربنا بسبب استمتاعك بشي يغضبه هو اللي رجعك الم الفراق اقوى من لذة الذنب بدليل انك بتحب ربنا اكثر من روحك فاخترت انك تبيع لذة حاضرة لذة حاضرة ممتعة اخترت انك تسبها علشان تودي الالم ده من قلبك الم احساسك انك بعدت عن ربنا ده دليل انك ربنا كبير قوي في قلبك و انك باقي عليه ربنا بيحب التوابين لان التوابين بيقولو انه يا رب مافيش لذة احسن من القرب منك مهما عظمت لذة الذنب و الشهوة انت اكبر يا كبير في قلوبنا يا عظيم احنا باقيين عليك اهو ربنا بيحب التوابين عشان شاف ان هما باقيين عليه احبك ربي بسرعة الرجوع اليك احبك ربي بالوقوف بين يديك في الايام دي و اقولك اقبلني عشان احس بقربك ثاني و نفسي تفتتح عشان اعمل احب الاعمال اليك احبك ربي بالتوبة بالتوبة بين يديك طيب يا رب انت قلت انك بتحب التوابين انا هسعى اننا اكون دايما تائب بين يديك عشان اقلك احبك ربي بالتوبة شكلها ايه بالتوبة دي عشان تقبلها و تفرحك و ترضيك يا رب نفسي لما اتوب اني اتبت على التوبة و تكون طالعة من قلبي و بالطريقة اللي بتحبها اهل العلم بيقولوا ان ربنا بيحب منك اربع حجات في التوبة - السرعة في التوبة. مش عملت الذنب بنعمته مستني ايه مستني لما يسلب منك النعمة ولا لما يقفل على قلبك و تيجي تتوب و ما تقدرش ربنا بيحب السرعة اول ما تغلط هيبعث لك رسالة انك غلطت هيبعت الرسالة للنفس اللوامة اللي جواك و اللي الانسان يتقرص من قلبه كده الذنب ما حاكى في الصدر على طول كده يهز بقلبك الذنب ده (إِنَّمَا التَّوْبَةُ عَلَى اللّهِ لِلَّذِينَ يَعْمَلُونَ السُّوَءَ بِجَهَالَةٍ ثُمَّ يَتُوبُونَ مِن قَرِيبٍ فَأُوْلَـئِكَ يَتُوبُ اللّهُ عَلَيْهِمْ وَكَانَ اللّهُ عَلِيماً حَكِيماً){17} يعملون السوء بجهالة يعني انهم لما كانوا بيعملوا الذنب ده نسوا مقام ربنا فعصوا معلش توب بسرعة و قلك انا هغفر لك عارف ربنا بيحبك متتاخرش عليه ليه لانك لو تبت بسرعة ده يضمن لك ان قلبك ما يقساش ذنب ورا ذنب ورا غلطة ورا غلطة و ربنا بيفكرك بتحصل حالة من جمود القلب زي ما حصلت مع بني اسرائيل ربنا حق ما بحبش حالتنا تبقى زي حالة بني اسرائيل فمتطولش قرات قصة شاب بيقول انا كنت مخلص جامعة بدري شوية و اختي الكبيرة بتشتغل و انا اهلي امي و ابوي بيشتغلوا برضه بتعدي علي فترة بقعد في البيت و مرة كنت بدور في اليوتيوب فطلعلي فيديو مش كويس دي حاجة بتحصل مع الكل فضعفت و اتفرجت عليه لمدة دقيقتين فوسط الذنب ده حسيت اننا قرفان من نفسي قمت صليت رجعتين و تبت و مش هعمل كده تاني اسبوع و ضعفت تاني و لما ضعفت حسيت برضه اننا قرفان من نفسي و مدايق و قمت و صليت ركعتين و قطعت الفيديو ده في وسط ما كنت قاطع قمت صليت بيقول مرة ضعفت و كان الفيديو طويل شوي و وسط ما انا بتفرج لقيت المفتاح بيتحط في الباب و بينفتح اختي رجعت من الشغل و اتكسفت جدا (خجلت) و قمت قافل بسرعة و اتلهوجت و قمت قايم بسرعة و قمت اتكلم معاها كدا و فتحت معها مواضيع عشان متحسش باي حاجة قمت نتكلم كده نص ساعة و مصلتش بعدها رجعتين التوبة ما حستش اننا غلطت بيقول فتعودت على الموضوع ده و مش بس كده ده انا جبت واحد صحبي عشان اعمله خدمة و افرجه على الحجات دي و عدى الموضوع عليه شهور و اانا كلما اتفرج استمتع و ما احسش بالقرصة اللي كنت بحسها في قلبي لغاية مرة من المرات صاحبي قاعد بيتفرج معاي و هو بيضحك و مبسوط حسيت بالاحساس بتاع زمان اننا قرفان من نفسي انا مش بس بقيت بعصي ده انا بقيت بشجع على معصية ربنا عز وجل في وسط الفيلم ده اليي ربنا ميحبوش ده طلبت من صحبي انه ينزل قعدت وحدي بالبيت و قعدت اعيط له قلتله حقك علي ده انا بقيت اتفرج من غير ما اصلي لك و في الاول كنت على طول وسط الذنب بقرف من نفسي و قمت صليت ركعتين حسيت فيهم باحساس زمان و من يومها و انا الحمد لله ربنا شال من قلبي شهوة الفرجة على الحجات دي امام الانترنيت 2- صدق العزم في التوبة. قفل على نفسك ابواب الذنوب بكمية من الاعمال الطيبة الي تدل على صدق عزمك فيها و الله يبدل سيئاتك حسنات من حبه و فرحته بتوبتك الزنا يدخلك الجنة بسبب التوبة الخمر يدخلك الجنة بسبب التوبة عقوق الوالدين يدخلك الجنة بسبب استرضائك لهم لو تبت عارف كمان و اللي جاي ده مهم جدا يا جماعة و اسمعو بقلبك لان الشيطان قوي جدا انه ينسيك اللي انا هقوله ده اذا كان ربنا عايز تقله احبك ربي تب بسرعة عايز تقله احبك ربي اصدق العزم بعد التوبة بسرعة لان الندم توبة علشان تقله احبك ربي بصدق العزم اني مرجعش تاني و الصادق في العزم فعلا انسان ندمان 3- لا تستعظم ذنب فى جنب كرم الله. اوعى تستعظم ذنب في جنب كرم الله عز وجل و عفوه لان ربنا ما بيحبش كده ابدا بيحب يشوفك بتوب و انت مطمن اطمن ان ربنا و انت بتوب هيغفر لك اطمن ان وعده هيمشي عليك لو تبت فعلا بسرعة وصدق عزم هيغفر لك و اوعى تسمع للشيطان لان ده اخر باب الشيطان بيحاول يجري فيه و هيقلك هتوب ازاي بعد الذنوب دي كلها ده اكبر من ان ربنا يبصلك اصلا يا جماعة ربنا سبحانه و تعالى مافيش حاجة توقف قدام فرحته لما انت بتوب مش فاكر ان ربنا عشان يقولك قد ايه بحب التوبة قلك على لسان النبي ان ربنا بيفرح بتوبة العبد " كمثل عبد كان على راحلته (عالجمل بتاعه) فضل راحلته في الصحراء و هو اكيد هيموت من العطش و الجوع و قام حفر حفرة هدا العبد عشان يموت فيها فجاة فتح عينيه لقى الجمل واقف فقام طاير و نط من الحفرة و مسك في رقبته و قال اللهم انت ربي و انا عبدك اخطا من شدة الفرحة فالله افرح بتوبة العبد من ذلك العبد انا عارف ان انت عارف الحديث ده بس تامل فيه شوية مدرك ايه يعني ان ربنا يشبه فرحته بلاش يشبه ربنا يعلمنا فرحته و يقلنا كمثل واحد من كتر الفرحة مبقاش عارف يقل ايه "اللهم انت عبدي و انا ربك" لا يمكن اي ذنب مهما كبر لو كان قد الجبل و اثقل منه لا يمكن توقف قدام فرحة ربنا اوعى ربنا يشوف في قلبك ان الذنب اعظم من رحمة ربنا و عفوه اللي عارف ربنا يعرف ان مافيش ذنب يستصعب على ربنا انه يغفره سبحانه و تعالى قول له احبك ربي و انا مطمن اني لو تبت دلوقتي بصدق و عزم مافيش حاجة توقف قدام رضاك 4- لزوم التوبة و الاستغفار. حتى لو مش على ذنب معين ده كان حاله صلى الله عليه و سلم"" والله إني لأستغفر الله وأتوب إليه في اليوم مائة مرة."" طب ما انت ما بتغلطش يا رسول الله عشان التوبة و الاستغفار تنقي قلبك من ذنوب يمكن ما اخدتش بالك منها و نسيت تتوب فربنا يحب على طول ينقي قلبك بالاستغفار فاستغفر باستمرار مية مرة بالصبح و مية بالليل استغفر الله العظيم على ذنب تعلمه و ذنب لا تعلمه احبك ربي بدوام الاستغفار قلب الإنسان يقسي من كثرة الذنوب والمعاصي، وهنا يلزم كثرة الأستغفار والتوبة، أننا في أُحبك ربي نظهر لله كيف نتقرب اليه بالأعمال الصالحة التي يحب أن يرانا نفعلها من أجله، ونحن نقول لله أننا نحبه عندما نتوب اليه. فأسرعوا دائماً بالتوبة الى الله وأكثروا من الأستغفار طوال اليوم وأنتظروا فرحة الله لكم وقبوله لتوبتكم وكونوا دائماً على يقين بأن الله سيغفر لكم ذنوبكم مهما عُظمت. |
رد: احبك ربي..فرصة للتغير حتى بعد رمضان
اقتباس:
مشكورة حبيبتي على المتابعة و الافادة جزاكي الله خيرا |
رد: احبك ربي..فرصة للتغير حتى بعد رمضان
الصيام
بسم الله الرحمان الرحيم عبادة جديدة من احب العبادات الى الله سبحانه و تعالى و احنا ماشيين كده في ملكوت الله عز وجل بنشهد كل ذرة وكل شجرة و كل حجرة ان احنا بنحب ربنا و نفسنا انو يرضى عننا و يحبنا و نفرحه بكل يوم بناخد خطوة بعمل يمكن لما نتعلم ازاي نعمل العمل ده و يجري في دمنا حبه ربنا يحبنا لما يشوفنا نسعى لرضاه باحب الاعمال اليه و هي دي ببساطة فكرة احبك ربي احنا يا جماعة مقصرين و ساعات بنبقى كويسين و ساعات بناخد خطوة للورا و ساعة الدنيا بتفتنا بس شعور الحب لما يملا قلوبنا صدقني ساعتها ربنا عز وجل هيجبر هذا التقصير و عشان الواحد فعلا يكون صادق في حبه لربنا لازم يجري و لازم يبحث و لازم نحاول و احنا بنحاول نعرف احب الاعمال الى الله سبحانه و تعالى الكل عايز ربنا يغفر له و يعتق رقبته من النار ودي نوايا راقية جدا جدا بيشجعنا عليها النبي صلى الله عليه و سلم و عايزين ناخد جمبها خطوة ثانية السنة دي نية ان ربنا يفرح و يرضى في الشهر الكريم بالبحث عن احب الاعمال الى الله عشان نعملها و احنا بنقله احبك ربي عايزين نتعلم عمل الكل بيعمله و ما فيش حد بيتخلف عنه الا يعني النادر من امة النبي صلى الله عليه و سلم بس انا النهارده مش جاي علشان اقلكم اعملوه انا جاي عشان اقول لكم و لنفسي نعمله ازاي لان العمل ده يا جماعة المفروض يكون ليه اثر في النفوس و لما مش بنلاقي الاثر ده بنخاف على نفسنا نكون بنعمل العمل ده بمزاجنا مش زي ما ربنا يحب واسوء حاجة ممكن تبقى في قلب كل واحد فينا انه يعمل العمل فيتعود عليه لانه مش بيعمله زي ما ربنا بيحب فيبقى مش حاسس بيه ولا باثره فيعمله بحالة من السطحية من غير ما يحس و ثقيل عليه و يخلص العمل من غير ما نشعر بحلاوته احنا النهار ده جايين نتكلم عن الصيام الصيام اللي كلنا صايمين انا عارف ان حضرتكم و الكل بيصوم بس النهار ده مش جاي اتكلم عن الصيام بتاع كل سنة بتعرف ان كل سنة بيبقى حلم التغيير انا هتغير في رمضان ده و ناس كثير يا رب بيوصلو للتغيير و ناس كثير بتشتكي بعد رمضان بكلمة بتوجع قلبي كلمة انا وقعت كلمة انا كنت كويس في رمضان و بعدين بعد رمضان مش عارف مالي كده بعدت عن ربنا مع اني المفروض انا طالع من عبادة ربنا يصطفيك و يرقيك مش طالع من عبادة انتكس طالع من العبادة كنت بمشي بقيت بهرول و انا الحقيقة استوقفني حديث لسيدنا محمد صلى الله عليه و سلم قلت اتامل فيه و اانا ببحث كده عن فضل الصيام و ربنا بيحب الصيام ليه سيدنا محمد وهو بيتكلم عن الصيام اتسئل انت بتصوم الصيام ليه قال (اما يوم الاثنين فذلك يوم ولدت فيه و اما الخميس فهو يوم ترفع فيه الاعمال و احب ان يرفع عملي و انا صائم ) نعمة الايجاد ان ربنا اوجد النبي النبي بيشكر ربنا بالصيام و الحال اللي ربنا يحب يشوفه عليه اثناء رفع الاعمال يوم الخميس حال الصيام اذا انت النهارده تتكلم ان ربنا بيقول ان الصيام ده اشرف الاحوال اللي ربنا يشوفك عليها ايش معنى يا رسول الله تحب ان ربنا سبحانه و تعالى يوم ميلادك اي يوم ايجادك تشكره بالصيام ليه مش بالذكر ليه مش بالسجود ليش مش بالصلاة و هي عماد الدين و ليه في يوم الخميس وقت رفع الاعمال تحب ان ربنا يشوفك صايم وهو بيقبل عملك و بتحب ان امتك تعمل كده و دي السنة فخليني اقول لك حاجة سالت نفسي و برضه بحتث في اقوال اهل العلم شهر رمضان هو الشهر الذي انزل فيه القرءان و اصطفي النبي الرسول اعظم داعية في الكون صلى الله عليه وسلم طيب الطبيعي ان شهر رمضان حاجة من الاثنين بيبقى شهر القرءان بس اساس العبادة اللي في رمضان هي الصيام مش القرءان او يبقى شهر الدعوة يعني تقعد تقرا قرءان من الفجر مش تصوم يعني تقعد من الفجر لغاية المغرب تقرا قرءان فاختم القرءان كل ثلات ايام وده يبقى عبادة الفرض في رمضان مش الصيام او تدعو واحد الى الله ونخش في سباق اكثر واحد يكون سبب في هداية الناس و تبقى دي فريضة رمضان ليه الصيام لما نجيب على السؤال ده هنعرف قيمة الصيام و لما ندرك قيمة الصيام هنبدى نصوم بنفس و لما نحط جمبها كمان ربنا يحب يشوفنا بنصوم ازاي هنصوم بنفس و بالطريقة اللي ربنا يحبها فلما نعمل كده يبدى الصيام يجري فدمنا فيغير دماءنا و ارواحنا فنطلع من رمضان نرتقي مش بنقع او نفرح ونبان في ليلة العيد اوي خلاص رمضان انتهى و بعضنا بيحزن بس الحزن في الحقيقة لو كان صادق كان كمل زي ما كان في رمضان و اكيد بعضنا بيكمل في اعلى اكيد في ناس انشاء الله كثير محبين و محبوبين و عباد ربانيين كل سنة بيرتقو بس اللي الواحد يشوفه في نفسه وفي الناس انه مش بيبقى زي ما هو في رمضان فاكيد في حاجة في الصيام عارف ربنا بيحب الصيام ليه هقلكم بس اولا عارف يعني ايه الصيام يعني الامساك يعني بتقول لا لا لمين لا للنفس اللي ربنا خلقها جوانا و ليها رغبات لدرجة ان بعضنا من كثرة رغبات النفس دي و استجابته ليها بيقول لنفسه بقت له اله مقدرش اقول له الا كلمة وحدة بس وهي سمعنا و اطعنا ربنا بيقول " وَمِنَ النَّاسِ مَنْ يَتَّخِذُ مِنْ دُونِ اللَّهِ أَندَادًا يُحِبُّونَهُمْ كَحُبِّ اللَّهِ وَالَّذِينَ آمَنُوا أَشَدُّ حُبًّا لِلَّهِ وَلَوْ يَرَى الَّذِينَ ظَلَمُوا إِذْ يَرَوْنَ الْعَذَابَ أَنَّ الْقُوَّةَ لِلَّهِ جَمِيعًا وَأَنَّ اللَّهَ شَدِيدُ الْعَذَابِ" البقرة 165 ( عبد نفسه) النفس هذه يا جماعة هى مشروع لعبد يعبد ربنا ويخضع ليه أو مشروع لاله من دون الله تستجيب لرغباته ولذلك ابن القيم يقول ( فى النفس مضاهاة للربوبية ) النفس تحب تبقى ربنا، فرعون قدر فأظهر، قدر فرعون يقول انا ربكم الأعلى وغيره عجز فأضمر ( أضمر يعنى خبى) اهو ربنا في رمضان بيخلينا نصوم عشان نقول "لا" للنفس دي و تقول لها انسي ابسط متطلباتك و اقل حاجة اكل و شرب و الشهوة المخلوقة في الرجل و الست "لا" عارف لما تقول للنفس دي "لا" بتتكسر بتكسر الاله ده اللي عايز يستعبدك و عايز اقول لك حاجة ان النفس الاه طماع ما بيرحمش ولو فضلت وراه مش هيرحمك هيفضل يطلب هل من مزيد و الواحد بيشوف في حياته سواء مواقف عدى بيها هو او شافها من الناس ازاي النفس بتستعبدك لما الشاب يكون في عز القوة و الشباب يلف في الجامعة على سجارة و اانا اسف على الكلمة بس يشحتها و اللي يبص له بصة و اللي يطنشه واللي ما يردش عليه و اللي يعمل مش سامع و اللي يديها له و يتامر عليه كل ده عشان نفسه طلبت سجارة لما بنت تضعف امام نفسها و تسلم نفسها لشاب عشان نفسها بتحبه فاستجابت لرغبات نفسها اللي بتطلب الحب من الشاب ده فكانت سهلة بالنسبة له "لا" هنقول للنفس "لا" لما شاب يعاكس بنت في الشارع فتهزؤه فيضحك ضحك عشان يداري الكسرة اللي جواه مش قادر يقول لنفسه "لا" و ماشي ورا المعاكسة اللي نفسه ترغبها ان الاوان نصوم و احنا مستشعرين مع الله و احنا بنقول له شكرا يا رب انك بتكسر هذا الاله اللي ما بيرحمش حد احنا مش بنعبد حد من دونك يا رب العالمين و ساعتها هتوقف و تتدبر في الحديث القدسي ( كل عمل ابن ادم له الا الصيام فانه لى و انا اجزى به يدعو طعامه و شرابه و شهوته من أجلى ) ربنا بيقول أن الصيام ده أجره عليا ومش هقول اجره قد ايه وهذا لأن الصيام محرر العبيد بيحرر الإنسان من نفسه وبيجيبه لربنا سبحانه وتعالى فربنا بيقول لكن الصوم هذا لي لأنه بيحررك من الاله الذي بتعبده من دوني وهو نفسك وبتجيلي أنا وتقولي سمعنا وأطعنا وبتقول لنفسك لأ هذا سر حب ربنا للصيام أن الصوم بيحررك تعالوا نتصور ان رمضان اسم لواحد ربنا بعته بالخيرات و بالرحمة و المغفرة و بالعتق من النيران و بليلة لو قعدتها مع رمضان ضيف الرحمان تساوي عند ربنا كانك قاعد معاه اربعة و ثمانين سنة بتعبده سبحانه و تعالى "ليلة القدر" فتعالوا نتصور انه ضيف من عند ربنا رمضان يرضيه اللي يرضي ربنا و يزعل رمضان اللي يزعل ربنا لانه ضيف الرحمان فاعمل حساب لرمضان زي ما بتعمل حساب للي بعته لك اللي هو ربنا سبحانه و تعالى لان اكرام رمضان من اكرامه سبحانه و خد بالك سيدنا محمد بيقول (من كان منكم يؤمن بالله و اليوم الاخر فليكرم ضيفه ) طيب عمرك شفت واحد عنده ضيف قاعد معاه فيحصل موقف الشخص ده اللي هو مستضيف الضيف ده يتنرفز و يتعصب و يشتم و هو عنده ضيوف طب رمضان ده هو ضيف جاي من عند ربنا عشان كده سيدنا محمد صلى الله عليه و سلم بيقول( وإذا كان يوم صوم أحدكم فلا يرفث ولا يصخب فإن سابه أحد أو قاتله فليقل إني امرؤ صائم والذي نفس محمد بيده لخلوف فم الصائم أطيب عند الله من ريح المسك للصائم فرحتان يفرحهما إذا أفطر فرح وإذا لقي ربه فرح بصومه ) فخد بالك من الغضب احتراما لضيف ربنا و خد بالك من قول الزور عشان منبقاش الناس اللي النبي قال عليهم (رب صائم ليس له من صيامه إلا الجوع ) فانا اسف يا رمضان يا ضيف الرحمان ان كنت قصرت معاك انا هقدرك لان تقديرك من تقديره عز وجل ربنا سبحانه و تعالى يا جماعة يحبنا مع رمضان ان احنا منكنش سبب ان يتقال عليه رمضان عدو الحضارة بعض الناس قالت انه رمضان السبب في تخلف المسلمين لان رمضان بيجيب عليهم الكسل و التأخر عن الشغل و السبب احنا . فربنا سبحانه و تعالى يحب ان طول ما رمضان معاك تشرفه مش تكسفه اعرف قصة واحد بيروح الشغل في رمضان بالذات ربع ساعة بدري و يمشي اخر واحد اكراما لرمضان عشان ما يتقلش عن الراجل ده كان نشيط و لما جى رمضان كسل بسبب الصيام انشاء الله يا رب توبة عن كل سنة عدت علي و شافوني كسلان اختم معاكم باكرام ضيف الرحمان اللي نتمنى انه يشفع لينا و يشهد لنا و اتمنى يجي جنبي و يقول يااااااااارب ده اكرمني و ربنا يستر ما يجيش جمبي و يشتكي يقول يا رب و لا كنت فارق معاه مكنش ياكل و يشرب بس عشان ما تحاسبوش و تعذبه يوم القيامة لو بتحب رمضان اوعى تتحول بعد الفطار لواحد تاني مستتقل من ضيفه على فكرة ده هيخرج معاك لو انت خرجت بس رمضان بيحب يروح للاماكن اللي ربنا يحب يمكن يخرج معاك للجامع ولا لعمل خيري بعد الفطار لكن رمضان ما بيخرجش للقهاوي و رمضان ما بيحبش الشيشة و رمضان مالوش في الرقص بتاع الخيم الرمضانية لان ده يغضب ربنا و رمضان ما بيحبش التمثيليات اللي بقت عري و تكسف لا تسيء لرمضان بل اكرمه حتى بعد الفطار احبك ربي بإكرام ضيفك و احترامه قوم و افتح باب بيتك لرمضان خليه يخش و يستولي عليك اسمعه الذكر و القرءان و كل اللي بيحبه ربنا توب الأن لربنا دلوقتى و قولوا يا رب أحبك ربي بإكرام ضيفك وإحترامه وحبقى فاهم كويس يارب إنك باعت رمضان عشان ينقذني و يحررني من الاله اللي بيستعبدني نفسي وشهواتي رمضان محرر العبيد. احبك ربي بإكرام ضيفك يا ارحم الراحمين |
رد: احبك ربي..فرصة للتغير حتى بعد رمضان
|
رد: احبك ربي..فرصة للتغير حتى بعد رمضان
|
رد: احبك ربي..فرصة للتغير حتى بعد رمضان
اقتباس:
|
رد: احبك ربي..فرصة للتغير حتى بعد رمضان
اقتباس:
نورتي |
رد: احبك ربي..فرصة للتغير حتى بعد رمضان
التعاون و روح الجماعة
السلام عليكم و رحمة الله و بركاته عمل جديد من احب الاعمال الى الله تعالى عمل اتمنى ان يجري في دم كل انسان من امته صلى الله عليه و سلم لانه روح هذه الامة و هذه الكلمة هي اساسا داخل هذا العمل و كل من سيضع يده فوق ايدينا دليل على صحة ايمانه هذا العمل هو روح "اياك نعبد و اياك نستعين" و هو التعاون و روح الجماعة نقرا الفاتحة كل يوم سبع عشرة مرة و نردد اياك نعبد مع انني قد اكونا صلي لوحدي اي شخص لديه تعاون و روح الجماعة تجده محبوبا و اذا كانت الناس تحبك فاعلم ان الله يحبك و اي شخص فيه هذه الصفة تتمنى دائما لو كان اخاك او زميلك في العمل او صديقك او حتى اباك او امك انسان تجده دائما بجانبك و صدق فيه قول النبي صلى الله عليه و سلم ( لا يؤمن احدكم حتى يحب لاخيه ما يحبه لنفسه ) و ليس انسانا منطويا و انانيا و لايحب الا نفسه كما ان الانسان هو مخلوق مدني يتصف النقصان كما يقولون او كما يعرفونه اي ان الانسان دائما بحاجة الى من يقف بجانبه و يسانده و العون يعني الظهار بمعنى انه لابد من ان يكون هنالك احد يقف وراءك ليساعدك كي تستطيع ان تكمل حياتك و الطبيعي هو ان تكون انت واقفا في ظهر احد و تحسسه انك دائما بجانبه لتساعده متى ضاقت به الدنيا او يحتاج اليك دائما الامهات يدعين لاولادهن بان يوقف الله ابن الحلال في طريقهم فانا اسال نفسي "هل انا هو ابن الحلال الذي يقف في طريق الناس كما انا احتاج له ليقف في طريقي " و التعاون هو عمل نابع من صميم فهم كل انسان لطبيعة للحياة و لكن هل تعلم لماذا يحب الله روح التعاون الله يحب التعاون لانك ان كنت انسانا متعاونا يعني انك فهمت دورك كانسان كل انسان يعيش في هذه الارض سماه الله خليفة ( اني جاعل في الارض خليفة ) فلتنظر فقط الى فرق كرة القدم الناجحة التي النجاح عنوانها نجد ان اكثر سمة فيها ليست فقط المهارات الفردية انما كذلك ان كل شخص منهم يضع يده فوق يد االاخر و يعرف دوره لكنه يعلم انه لا سبيل له للنجاح فيه بدون مساعدة الاخرين و هكذا نستوعب اننا في هذه الدنيا نعين و نستعين و اسوء شخص فيها هو الذي يستعين و لكن لا يعين هو الذي ياخد و لا يعطي لذا كي تجد من يساعدك عليك ان تساعد غيرك يا رب انا اتقرب اليك بالتعاون و لن اعيش انسانا فرديا و لا انانيا فكيف تحب ان اتعاون اول شئ يحب الله ان يراك عليه لتثبت فعلا انك انسان متعاونا أولاً: روح الجماعة والفريق يعني ان تسيطر عليك روح "نحن" و ليس "انا" نجاح الكل و ليس نجاحك انت وحدك مثلا في اغلب الجامعات التي في اخر السنة نجد ما يسمى بمشروع التخرج مجموعة من الشباب او البناتيساعدون و يتعاونون على هذا المشروع و ينقسم الناس فيه لاكثر من مستوى في التعاون فنجد اناسا فعلا يقدمون المساعدة و يريدون النجاح لهم و لغيرهم و لا يهمهم ان كانت الفكرة لهم لانهم لا يبخلون على من حولهم باي شي من الممكن ان يفيد و ذلك سعيا للنجاح الجماعي و اناس اخرى تاخد كل شي جاهزا و حتى عندما تكون لديه فكرة جميلة يمن عليك و ينسب الحق في التحكم في الكل لنفسه و هذا ما يسمى في علم القلوب بحب الظهور و الله تعالى لا يحبه بل يحب التعاون وروح الجماعة وهذا ما سعى النبي صلى الله عليه و سلم ليعلمه الى الصحابة "مفهوم الامة" لدرجة ان الله تعالى ربط روح التعاون بالعبادة يقول تعالى: إنَّ هَـٰذِهِ أُمَّتُكُمْ أُمَّةً وَاحِدَةً وَأَنَا رَبُّكُمْ فَاعْبُدُونِ ﴿٩٢﴾ سورة الأنبياء و النبي صلى الله عليه و سلم يقول : "صبح على كل سلامى ابن آدم صدقة، فإماطة الأذى عن الطريق صدقة، والتسلي م على من لقيت صدقة، والأمر بالمعروف صدقة، والنهي عن المنكر صدقة. رواه أبو ذر الغفاري. هذا ما يحبه الله و رسوله صلى الله عليه و سلم و ليس حب الظهور حتى ان العلماء يقولون ان ""حب الظهور قصم الظهور"" لكن لماذا يحب الله تعالى روح التعاون لان حب الظهور و كلمة انا تعني خللا في العقيدة و الذي يحب الظهور يظن ان الناس كلهم يحتاجون اليه و هو لا يحتاج اليهم و يظن ان له ضرا و نفعا للخلق و متناسيا ان الخير و الرفعة و المكانة العالية و الرزق بين يدي الله عز وجل فقط و غير ذلك ان كان يدل فيدل فقط على عدم التوكل على الله عز وجل لان التوكل هو ان تعلم ان لا احد يضر او ينفع الا الله تعالى لذلك يجب التجرد من الانا و ان تسيطر علينا روح الجماعة و التعاون احبك يا ربي بان تنظر الي و تجد في قلبي روح التعاون كي اكون مسلما كالغيث اينماا حل نفع ثاني شي يحب الله ان يراه فينا كي نكون متعاونين الإيثار: يحب الله أن يراك تفضل غيرك على نفسك وتلك مرتبة عالية أن تسعد بتفضيل غيرك. هناك ولد بعد التخرج بدأ يشتغل وأخذ يعطي والداه نصف مرتبه لكي ينفقوا على أخوته الأصغر منه. في حين أن البعض يتثاقل على أهله بالمطالب المالية رغم ما تمر به أسرته من ظروف مالية صعبة. الله يحب الإيثار لأنك عندما ثؤثر تنفذ مراد الله وتفضل الله، يقول تعالى: " وَيُؤْثِرُونَ عَلَىٰ أَنفُسِهِمْ" (9) سورة الحشر. لنا في رسول الله صلى الله عليه وسلم أسوة حسنة في الإيثار فقد كان يساعد زوجته يحلب شاته ويرقع ثوبه. إذا أردت أن يحبك الله كن في بيتك متعاوناً وفضل منافع غيرك على نفسك يحبك الله عند الخلاف أن تحافظ على روح التعاون، في الثورات الأخيرة حدث انقسام في آراءنا وسبب ذلك إفساد روح الجماعة دافع عن رأيك لكن لا تتسبب في إفساد روح الجماعة وهذا قمة الصدق في حب الله. يقول الرسول صلى الله عليه وسلم :مثل المؤمنين في توادهم وتراحمهم وتعاطفهم، مثل الجسد. إذا اشتكى منه عضو، تداعى له سائر الجسد بالسهر والحمى". أخرجه النعمان بن بشير. أنت من تحتاج للتعاون إذا كنت وحدك ستسلب البركة. وأخيراً أحبك ربي يارب العالمين بتغليب إياك نعبد وإياك نستعين |
| الساعة الآن توقيت السعودية الرياض و الدمام و القصيم و جدة 03:16 AM. |
Powered by vBulletin® Copyright ©2000 - 2024,
vBulletin Optimisation provided by
vB Optimise (Pro) -
vBulletin Mods & Addons Copyright © 2024 DragonByte Technologies Ltd.