ضفيزة الجبة و اللحمة
نص كيلو دقيق يعنى مايعادل 3 كوب ونص
نص كوب صغير زيت 1 كوب زبادى كبير 170 جرام رشة ملح 1م ص سكر 1 م ك خميرة 1 م ك بيكينج بودر ربع كوب ماء دافىء 2 ملعقة كبيرة لبن بودرة او ربع كوب حليب ** الطريقة : ندوب الخميرة مع السكر فى الماء الدافىء ونغطيهم ونسيبهم يتخمروا فى مكان دافى ربع ساعة نعجن باقى المقادير مع بعض كويس ونضيفلها الخميرة بعد ماتخمرت وعليت ونعجن كويس هنلاقى عجينة جميلة ناعمة وملساء ومابتلزقش فى الايد ولا فى الوعاء ..نسيبها تخمر ساعة .. بعد مالعجينة اتخمرت كويس نقسم العجين تلات كور كبار (( ده بالنسبة للمقادير دى اللى هتضاعف المقادير هيبقوا 6 كور يعنى ست ضفاير بس دى بتبقى كمية كبيرة اوى )) نفرد كل كورة مستطيل زى اللى فى الصور وبسكينة حادة نقطع الاطراف زى مافى الصور ونسيب فى النص مساحة كافية للحشو حشو الجبن : استخدمت 5 انواع من الجبن دهنت الاول لبنة كمية كبيرة عشان بحبها اوى وبعدين مكعبات كيرى ومكعبات جبنة اسكندرانى وهى للى مايعرفهاش جبنة اسطنبولى بس بالفلفل ولونها اورانج وجبنة رومى مبشورة ومكعبات موتزريلا وقفلت عليهم الشرايط اللى قطعتها بالسكينة من الجنبين زى الصور ** حشو اللحوم: بسطرمة+ سوسيس متشوحين فى شوية زبدة + مكعبات فراخ وبعد ماقفلت الضفاير دهنت الوش ب ( بيضة + معلقة نسكافيه ) وده بيخلى لون المعجنات من بره تحفة وكمان بيشيل الزفارة تماما احسن من الفلفل الاسود لانى حساسة اوى للبيض ومابحبش استخدمه ونرش حبة البركة او سمسم زى ماتحبوا وتدخل فرن متوسط على 180 لحد مايحمر القعر والجوانب يادوب 10 دقايق او ربع ساعة نطفى الفرن وننزلها على الارضية ونولع الشواية تتحمر كويس من فوق .. وبالهنا والشفا |
رد: ضفيزة الجبة و اللحمة
مشكوره والله يعطيكي الف عااافيه
|
رد: ضفيزة الجبة و اللحمة
ابداآاآاآاآاع
شكرا لك وصفه تشهي وشرح جميل لكي اعجابي |
رد: ضفيزة الجبة و اللحمة
|
الساعة الآن توقيت السعودية الرياض و الدمام و القصيم و جدة 08:38 PM. |
Powered by vBulletin® Copyright ©2000 - 2024,
vBulletin Optimisation provided by
vB Optimise (Pro) -
vBulletin Mods & Addons Copyright © 2024 DragonByte Technologies Ltd.