ازياء - فساتين سهرة و مكياج و طبخ

السلام عليكم ورحمة الله وبركاته
حبيباتى
كل سنة وأنتم جميعا بخير
ورمضان كريم عليكم

وصفتى النهارده سهلة ومتوفرة عندنا فى البيت
والنتيجة هايلة جداااااااااااااااااا

اسيبكم مع الوصفة

المقادير

3ملاعق كبيره لبن بودرة
من4 الى 5 ملاعق طحينيه (سايلة أى نوع عندك وأنا بفضل البيضا)
عصير ليمونه واحده
من3 الى 4 ملاعق سنفره جسم ( اي نوع )
ماء حسب الكميه للعجن

وبس تخلطى المقادير كلها مع بعض وتدهنى بها جسمك وتخليها من ربع ساعة الى نص ساعة واللي تحب تخلي أكثر يكون أحسن

بعدها هتبقى ناشفة تقومى تفركى جسمك بأيدك مش بالليفة بحركة دائرية وبكده هتروح من جسمك وبعدها تاخدى شاور عادي وتحطى شاور جل بعدها هتشوفى النظافة واللمعان والريحة الحلوة

وأنا بنصح العرايسأنهم يعملوها بالأسبوع مرة او مرتين هتلاقى نفسها أبيض من القشطة وانعم من الزبدة

والخلطة دى تستعميها مرة او مرتين بالأسبوع

والخلطة تكون متماسكة مش سايلة