ازياء - فساتين سهرة و مكياج و طبخ

عيش السرايا
المقادير:
كيس توست كبير
2 ملعقة كبيرة سكر
ملعقة صغيرة ماء زهر
ملعقة صغيرة حبهان مطحون
كوب ونصف لبن
فستق مفروم للتزيين
2 ملعقة كبيرة دقيق سميد
1/ 4 كيلو زبدة
2 كوب قشطة

لتحضير الشربات:
اغلي كوب السكر في كوب الميه، وبعد كده ضيفي عليه عصير نصف ليمونة وفانيليا، وسيبيه يغلي على النار لغاية ما يبقى قوامه تقيل شوية، وبعد كده اطفي عليه وسيبيه يبرد.

الطريقة:
1- هاتي التوست، وشيلي الأحرف بتاعته، وقطّعيه شرايح صغيرة، ورصّيه في الصينية.

2- سيّحي الزبدة على النار، واسقي بها التوست، واخلطيهم مع بعض كويس بإيدك؛ علشان تتأكدي إن التوست تشرّب كويس بالزبدة، وبعد كده ضيفي عليه القشطة، وافرديها كويس، بحيث تغطّي طبقة التوست.

3- سخّني اللبن على النار، وضيفي عليه السكر، ودقيق السميد، والحبهان وماء الزهر، وسيبيه على النار لغاية ما يغلي.

4- صبّي اللبن على الصينية اللي فيها التوست والقشطة، واعملي فتحات صغيرة في طبقة القشطة علشان التوست يتشرّب باللبن، وبعد كده دخّلي الصينية في الفرن، وسيبيها لغاية ما تحمرّ.

5- بعد كده طلّعيها واسقيها بالشربات، وسيبيها تبرد شوية، وبعد كده قطّعيها قطع صغيرة وزيّنيها بالفستق المفروم وقدّميها.