ازياء - فساتين سهرة و مكياج و طبخ

ازياء - فساتين سهرة و مكياج و طبخ (https://fashion.azyya.com/index.php)
-   حلويات و مشروبات (https://fashion.azyya.com/38)
-   -   كحك العيد (https://fashion.azyya.com/275601.html)

ღ<نـدى الـعــمـر>ღ 08-10-2011 10:57 AM

كحك العيد
 
كل سنه وانتم طيبين يا احلى جروب عايزه اقولكم على كحك مظبوط جداااا جدااااا المقادير لكيلو دقيق // 2 وربع كوب سمنه من كوباية الشاى الشفافه ام ودن + رشه ملح + معلقه كبيره ريحة الكحك + معلقه كبيره محلب مطحون ناعم جداا + معلقتين سمسم نىء + نص معلقه شاى قرنفل مطحون ناعم ودى اضافه من ((استاذه فى الكحك )) القرنفل بيديله ريحه تحفه + معلقه كبيره سكر + قطعة خميره بلدى بحجم عين الجمل + كوب ماء او كوب لبن انا بفضل الماء ​ ​ ​ الطريقه ::)) ،،،،،،،،،، 1 ــ نسخن السمنه مش نقدحها تسخين خفيف فقط علشان القدح بيعمل حرقان فظيع لما ناكل الكحك 2 ــ نخمر الخميره باضافه معلقة سكر ومعلقة ماء فاتر ونقلبها ونسبها تخمر بس نغطيها 3 ــ ننخل الدقيق فى طبق العجن ونضيف عليه المكونات الجافه السابقه ونقلبهم مع بعض ونعمل حفره فى الوسط ....... انا مش عارفه ايه لزمة الحفره بس نعملها وخلاص 4 ــ لما السمنه تسخن خفيف نضيفها على الدقيق ونقلب كويس بمعلقه خشب وبعدين بأدينا نبس الدقيق بالسمنه كويس جداا جداااْ لما يبرد العجين نضيف الماء و الخميره خدوا بالكم لازم يكون العجين بارد علشان الخميره متمتش ونعجن كويس جداااْ ونبس ونلم العجينه (( هتحسوا ان العجينه محتاجه ماء تانى اوعوا تحطوا لان الماء كل مايزيد العجينه تتطرى لما تستوى هتنشف وتحجر )) كوب واحد او اقل كفايه جداا لعجن كيلو دقيق نلمها على بعض ونغطيها بفوطه نظيفه ونتركها لمده ساعه او اكثر فى مكان دافىء ترتاح و تخمر اول مره 5 ــ بعد كده نجيب الطبق وهو متغطى ونبدأ نقطع العجين كور فى حجم كور البنج بونج ونضغط عليها وننقشها بالمنقاش نقش تقيل علشان تشيل سكر بعد السوى طبعاْ ممكن نحشيها ملبن او عجميه أو عين جمل ونترك الكحك فى الصوانى بس نغطيه فى مكان دافىء لمدة 3 او 4 ساعات علشان يخمر مره تانيه وبعدين نسخن الفرن على 200 ـــ او 220 درجه ونبدا نسوى لمده 20 : 25 دقيقه ونتابعه فى الفرن اول ما لونه يبقى دهبى فاتح نطلعه واول مايخرج من الفرن نبخه بالماء بخه خفبفه علشان لونه يحمر ويبقى لون تتتحححفففه طريقه عمل العجميه معلقتين دقيق + معلقتين سمنه + كوب عسل نحل ــــــــــــــــــــــــــــــ ​ــــــــــــــــــــــــ ـــ نحط السمنه فى طاسه على النار ولما تسخن نحط الدقيق و نقلب كويس لما الدقيق يبدا يلون نبعده عن النار وننزل بالعسل ونقلب كويس قوووى لما يتكون عجينه متماسكه وبعد مايبرد تماماْ نحشى بيه الكحك ــــــــــــــــــــــــــــــ ​ــــــــــــــــــــــــ ــــ وبالهنا والشفا

عطـر الـورد 08-10-2011 05:04 PM

رد: كحك العيد
 
تسلم الايادى


الساعة الآن توقيت السعودية الرياض و الدمام و القصيم و جدة 07:17 PM.

Powered by vBulletin® Copyright ©2000 - 2024,
vBulletin Optimisation provided by vB Optimise (Pro) - vBulletin Mods & Addons Copyright © 2024 DragonByte Technologies Ltd.


Search Engine Optimization by vBSEO 3.6.0