ازياء - فساتين سهرة و مكياج و طبخ - انت في فترة خطوبة أو ملكة وزوجك عصبي اتفضلي

السلام عليكم ياحلوين:11_3_2[1]:
طبعا أنا الآن في فترة ملكة مالي إلا 3 شهور تقريبا وطبعا زوجي ممكن ياخذ وسام في العصبية
وطبعا ماكنت أعرف انه كذا بس طلبت منه من البداية يطلع عليه أسوأ أخلاقه وأنا مستغنية عن فترة
الأحلام الوردية إلا هي الملكة في البداية كان جبان ومو قادر يعصب أو تقفل معاه زي مايقول بس بعد
شهر تقريبا وراني الويل وطبعا بس انا الي طلبت كذا وذا لمصلحتي والحين اعطيك خطوات عملتها معاه
الين صرت بالنسبه له الشي الي مستحيل يتخلى عنه:
1/اعرفي جزء من شخصياته من خلال اسمه مثلا زوجي
اسمه( احمد ) طبعا المعروف عن هذا الاسم انه شخصية عصبية
وغيورة وعنده كرامته ماتنزل الأرض لالبنت ولا لغيرها وأحيانا يكون قاسي
بس مو اكيد ولاتاخذي اي كلام عن الشخصيات انه اكيد 100%.
2/صارحته باشياء عني وهي للأسف قبل الزواج بس انتبهي اذا كانت لكي
علاقات لاتعطيه تفاصيلك الدقيقة وبينيله انك ندمانة وطبعا لاتنسي الدموع
وحاولي تصارحيه في الوقت المناسب وبعد ماتتأكدي انه مستحيل يتخلى
عنك وفهمي ان الشي الي صار كان غصب عنك وان انت اهم شي عندك
انك ماتخوني زوجك في الحياة لأن الرجال هذا الزمن اكثر شي يخوفهم هو الخيانة.
3/كل مايعصب بوجهي ويصرخ اسكت اذا كنت غلطانه بس لازم من الدموع
وآسفة وماكان قصدي بس ياليت فهمتني بطريقة أحسن من الصراخ
ونف الطريقة اذا كان غلطان بس أزيد عليه العتاب لمل يهدأ ويبدأ يعتذر
عتاب بسيط مو لوم مثال/ سامحيني ماكان قصدي حبيبي مسامحاك
بس أرجوك حاول تعدل اسلوبك المرة الجاية وطبعا كلما زاد في الإعتذار
قللي العتاب واذا شفتي انه مضايق انه زعلك قوليله انك نسيتي بس اهم
شي لايشيل هم وطبعا لابد ان يتخلل الموضوع التودد والأحضان للمتزوجات فقط.
4/حاولي تمدحيه دايما وتخلي اهم انسان عندك واحيانا وعن طريق المزح
الخفيف حسسي انه عادي عشان يكون في شوية حيرة يعني
تطلعي السما وتنزلي الأرض.
5/ابعدي العناد عن حياتك ولاتحاولي تبيني للرجال انك اذكى منه
بينيله دايم انك بريئة ومسكينة بس مو غبية.
6/عوديه على التفاهم واتقبلي آرائه وعوديه كمان على الصراحة عشان
هو كمان يكون صرح ومتفاهم معاك.
7/وخلي عنصر المفاجأة في حياتك هو السلاح الي تقتلي بيه الملل
ولاتنسي الهدايا عودي انك تهديه وفهميه انك مومحتاجة منه حاجة
بس عشان تكون صورته حلوة قدام اهلك.
8/لازم كمان تتغنجي وتتدلعي عليه وتكوني ناعمة ونظيفة وحلوة
وحاولي انك تظهري يوم من غير مكياج او استشوار بالنسبة لي زوجي
طلب مني اني اكون يوم على طبيعتي من غير شيء بس انا كنت ناوية
اعملها له مفاجاه لاتخلي يعتمد على جمالك الخارجي بل على الداخلي
وصدقيني اذا كان يحبك حيشوفك حلوة وعينه ماحتنزل منك.
9/لاتحاولي ترهقيه بمصاريف كثيرة مالها داعي الحين وبعد الزواج
لان الرجال وسط غلا العيشة يكره من يقوله هات بس كمان اذا زعلتي
منه مثلا وانت تعرفي امكانياته خلي يراضيك بهدية بسيطة.
10/واخيرا كلا منا يعرف شريكه ويعرف كيف يتعامل معه اكثر من
غيره اهم شي كوني على سجيتك.
وآسفة حبيباتي طولت عليكم.
بس ابي ردودكم