ازياء - فساتين سهرة و مكياج و طبخ - طاجن العاكو ي و البطاطس و البصل

المقادير عكاوى
بصل اورمه
سمنه
بطاطس
صلصه طماطم
ملح وفلفل اسود
قرن شطة

الاول تروحى للجزار وتقوليله عايزة عكاوى والعكاوى للى ميعرفش هى ديل الدبيحة
وخلى الجزار يقطعهالك او يفصلها من عند الفقرات عشان تعرفى تقطعيها
وهى دى العكاوى

كده العكاوى جاهزة للعمايل

تجيبى طاسه وتحطى فيها السمنة وتحطى العكاوى تتشوح فى السمنه لمد حوالى ساعة الا ربع وممكن تحطيلها حوالى نصف كوب مايه ولما تتشربه خالص هاتى البصل بتاعكك يتشوح مع العكاوى

وبعدين تجيبى الطاجن بتاعك وتحطى فيه البطاطس والبصل والشطة والعكاوى والصلصة وبعدين هاتى الطاسه اللى محمرة فيها العكاوى وحطى فيها مايه عشان دى تاخد طعم تحمير العكاوى وبعدين حطى الشوربه دى على الحاجات اللى فى الطاجن وملحيه بالملح والفلفل الاسود