جمبري مشوي بالليمون
 

بسم الله :

المكونات : جمبرى جاااااااااامبو - 100 جرام زبده منكهه بالشبت والبقدونس والكسبره والتوم - 50 جرام زيت وعصير ليمون تقريبا - ملح فلفل كسبره ناشفه -كمون

الطريقه : يغسل الجمبرى جيدا ويزال الرمل اللى فى الضهر ويغسل بالملح والخل بس مش تكتروا الخل علشان الجمبرى مش يتهرى ويوضع فى المصفه علشان يصفى الميه كويس ويفتح الجمبرى من الضهر يبقى زى الفراشه

نجيب الزبده ونخفقها جيدا ونحط عليها الخضره بس مش كتير والتوم المفروم نااااااااااااعم ونحطها على جنب ونجيب الزيت واليمون ونحط عليهم الملح والفلفل وكسبره ناشفه ناعمه وكمون نااااعم ويخفق الجميع فى الميكسر هيتكون عندى خليط من الزبده المنكهه والزيت والليمون بالفرشه نمسح الجمبرى بالخلطه طبعا كله بدرجة حرارة الغرفه وتدهنى الجمبرى بالخلطه وتسيبيه شويه تقريبا 1/2 ساعه وبعدين تيجيبى الشوايه وتسخنيها كويس وترصى الجمبرى وتدهنيه بالفرشه كل شويه من الخليط اللى عند لحد ما الجمبرى ياخد اللون السوا وتشيليه من الشوايه ويجمل بشرائح الليمون والبقدونس

رد: جمبري مشوي بالليمون
 

تسلم ايديكي