ازياء - فساتين سهرة و مكياج و طبخ - سطرت لحياتك داخلي قانون

أنا بالحب سطرت لحياتك داخلي قانون

بأنك وين ماوجهت أنا باأكون مرآتك

مادامك قلبي النابض مادامك عرقي المكنون

عزمت آسوق رجلي ياوليفي بااتجاهاتك

أبي كلمة بدال الحب أبي أصنع لها مضمون

أبا أوصف لك غلاك اللي تكون من مناجاتك

ترى مجنون ليلى صرت أنا في سكته مجنون

غيايك عن عيوني لخبط الدنيا على آهاتك

لك الله صار في قلبي بعد هجرك الم وطعون

ما باقي غير أقول أرحم بقايا أرواح أمواتك

مادام القلب في حبك خذاه الشوق دون شجون

باأقول (أنا أحبك) ياصاحبي واجمع شتاتك

غلاتك في خفوقي فوق فوق الشوق ماهو دون

وحبك في خفوق القلب تلعب به علاقاتك

الى من قلت أحبك كني أنا قد ملكت الكون

والى من قلت احبك تلفظ حروفي مساماتك