ازياء - فساتين سهرة و مكياج و طبخ

ازياء - فساتين سهرة و مكياج و طبخ (https://fashion.azyya.com/index.php)
-   الترفيه والترحيب والتكريم (https://fashion.azyya.com/42)
-   -   يمه بقولك شيء بس لاتعصبين (https://fashion.azyya.com/286104.html)

روح الأبدااع 09-04-2011 06:46 AM

يمه بقولك شيء بس لاتعصبين
 
صباح الخيرآت ..

sيمه بقول لك شي بس لا تعصبين ..//
يمه كتابي بالمدرسه نسيته ..!

ونسيت الالوان ودفتر التلوين ..//
و دفتر الأملاء بالغلط شقيته ..!
و المريول يالغاليه لا تنسين ..//
بالالوان و المزيل وسخته ..!
وانا مع صاحباتي المزاين ..//
يمه صبعي بالمقص جرحيته ..!

بس صدقيني ترى مايعور الحين ..//
لاني في المدرسه بالماي غسلته ..!
و نشفته وحطيت صبغة الايدين ..//
وبلزقه الجروح و الكلينكس لفيته ..!
اكلت العلكة وجبنه لوزين ..//
و العصير ما عجبني طعمة ورميته ..!


ايه يمه ابله العربي الي تعرفين ..//
يمه الجوال منها سرقته ..!

قريت الرسايل المرسله و الجاين ..//
وفيها كلامن كثير ما فهمته ..!
بس والله يايمه تصدقين ..//
بسرعه وبدون ما تحس رجعته ..!
يمه وبقول لك شي بس ابوي لا تخبرين ..//
شعري امس بالمكوى حرقته ..!
و روجك الوردي الي تحبين ..//
يمه خذته معي و في الباص ضيعته ..!
تكفين يا يمه لا تزعلين ..//
لاني روجة الباربي و العطرلك شريته ..!

يمه اسناني تعورني من الصبح للحين ..//
وضرسي الي يتخلخل بالغصب قبعيته ..!
و غسلت فمي و بالماي ولحين ..//
القطن بفمي من الصبح ما شلته ..!
يمه حصة القران تدرين ..//
والرياضيات والعلوم ما حظرته ..!
جلست العب في الساحه مع صابرين ..//
وضيعت شرابي ولحين ما شفته ..!

ورحت مع احمد للمدرسه تصدقين ..//
وكل الي نسيته من هناك جبته ..!
ردفني بالسيكل وسرعنا مثل المجانين ..//
و شرابي الوردي وربي لقيته ..!


وفي طريقنا واحنا ع المحل مارين ..//
وقفته و من يده للمحل نزلته ..!
وهذا الكتكات و السنكرز لا تزعلين ..//
و البسي والبونتي لك شريته ..!
وترى نص الكتكات لي لا تفرحين ..//
و البونتي والسنكرز لك مابغيته ..!
وهذي هي الصقه و غرشة الايدين ..//
وترى من غرفة الارشاد سرقته ..!

يمه تعبت من الحكي وبنام هالحين ..//
وبكره اكمل لك الي سويته ..!
اوه صحيح الحليب الي شريتين ..//
تراه انكب بالمطبخ ما غسلته ..!



و صح الكريم و علبه الفازلين..//
و المشط و الشرايط بالكبت خشيته ..!
واخوي الصغير يبكي من جيت للحين ..//
مو راضي يسكت بالعصا طقيته ..!
يمه تكفين بالزعل لا تعاقبين ..//
لان ابوي توي من شوي راضيته ..!
هذا يايمه الي صار لا تكفين ..//
لا تزعلي ترى الزعل عمري ما قويته ..!
ودخلت الطفله في عالم الحالمين ..//
والدموع الي بعينها ما نسيته ..!

نامت الطفله و هي تتمت الى الحين ..//
يمه السمك ترى للقطو حطيته ..!


يمه المريول اغسليه لا تنسين ..//
و علي واجب لبكره ما حليته ..!
اخذت يمه نجمتين بالدين ..//
واختفى صوتها والباقي ماسمعته ..!
مسحت دمعتها و قبلت الجبين ..//
و شعرها المنثور بيديني جمعته ..!
طفلتي جننت من البشر ستين ..//
و الميه الحين اتوقع وصلته وش رآآيكم ..

دورت لقب بس مالقيت 09-04-2011 08:24 AM

رد: يمه بقولك شيء بس لاتعصبين
 
ذي طفله ملقوفه ومخربه هههههههههههههه مشكوره

روح الأبدااع 09-04-2011 02:03 PM

رد: يمه بقولك شيء بس لاتعصبين
 
حبيبتي والله نورتي صفحتي

أساس الغلا 09-04-2011 03:37 PM

رد: يمه بقولك شيء بس لاتعصبين
 
هههههههههه
الله يعين أمه عليه

روجينا1988 09-04-2011 03:46 PM

رد: يمه بقولك شيء بس لاتعصبين
 
الله يعين الماما على هيك بنت‏!‏
كتير حلوة..أعجبتني


الساعة الآن توقيت السعودية الرياض و الدمام و القصيم و جدة 05:27 PM.

Powered by vBulletin® Copyright ©2000 - 2024,
vBulletin Optimisation provided by vB Optimise (Pro) - vBulletin Mods & Addons Copyright © 2024 DragonByte Technologies Ltd.


Search Engine Optimization by vBSEO 3.6.0