ازياء - فساتين سهرة و مكياج و طبخ - كم راح من عمري وانا ودي اتوب !!@@!!

كم راح من عمري وانا ودي اتوب

ولولا الهوى والنفس كان امس تايب

عشرين عام امني النفس يا ايوب

حتى اكتشفت اني مع الوقت شايب

راحت حياتي بين طالب ومطلوب

ولي خاطر(ن) لو طبت ماهوب طايب

طول الامل في مثل هالوضع عذروب

من يامن الدنيا وغدر النوايب

خدعني التسويف واغرتني دروب

ياكثر ما وجهت فيها غرايب

واخاف من يوم(ن) به الموت مكتوب

لاحولو بي بين عوج النصايب

في منزل(ن) مظلم عن الناس محجوب

محجوب حتى عن هبوب الهبايب

وصار الكفن يا ايوب يغني عن الثوب

وفارقت ربعي والأهل والقرايب

ولاعاد فيها جاه واموال واسلوب

ولاعاد فيها حب خشم وطلايب

من المهد لين الحد وقت محسوب

ماضاع شي ولابقي شي غايب

يارب مالي غير رحمتك مطلوب

من لي سواك يارب ان جيت تايب

كم راح من عمري وانا ودي اتوب

ولولا الهوى والنفس كان امس تايب