ازياء - فساتين سهرة و مكياج و طبخ - وين العطاء وين الحنان وين المحبة والأمان ؟

وين العطاء وين الحنان وين المحبة والأمان ؟

ليه الوفا?
في دنيا مافيها وفا..؟
في دنيا ما فيها صفا!
غير الخيانه والجفا ..؟؟
.,؛‘؛,.
وين العطا وين الحنان؟
وين المحبه والامان..؟
وينك يا ذاك المكان؟
للأسف شكله أختفى ..!

.,؛‘؛,.

وين العيون ؟
راحت مع ذيك العيون..!
حتى الظنون..
خابت مع ذاك الجفا !

.,؛‘؛,.

ليه الخيانه في النفوس...؟
ليه القوي دايم يدوس ..؟
وليه الفقر وجهه عبوس!
وما أعظمه اللي خفا !

.,؛‘؛,.

ليه الكبيــر
ما ياخذ بيد الصغير؟
وليه الصغيــــر
يبقى على حاله صغير ؟
وليه الظلم صاير كثير...؟
وليه البرد ما به دفا..؟

.,؛‘؛,.

ليه الحسود فيه الحسد!
وكنّ ما عنده ابد!
وهو ماله يكفي بلد!
هذا مرض ولا له شفا ..!

.,؛‘؛,.

ليه المصالح في الصديق!
وليه الصدق ماله رفيق!
حتى الطريق دايم يضيق!
وليه الوفا فينا أنطفى ..؟

.,؛‘؛,.

ليه الكلام ليه الجروح ..؟
نجرح بعضنا في وضوح!
وتنهدم فينا الصروح!
ونِدِّعي انه أختفى!

.,؛‘؛,.

ليه السعاده أختفت ..؟
وليه الشموع فينا أنطفت .؟.
وليه الحبيبه ما وفت .؟
والجرح بالجرح إحتفى !

.,؛‘؛,.

ليه الثمن ؟
كل شئْ صاير بالثمن ؟
حتى الزمن ..
ياخذ .. ( عمرك ثمن ) !
ياخذ ولا عمره أكتــفى ..!

.,؛‘؛,.

للأسف هذي الحقيقه
كل واحد في طريقه
ويطلع على أكتافه رفيقق!
وتندثر كلمة وفاء !

.,؛‘؛,.
ونبقى دايم ضايعين !
في هاليتامى طامعين
ونقول يالله يامعين
وللايادي رافعين !
إقبل دعانا في الخفا ..

.,؛‘؛,.
ونموت وإحنا بلا عمل !
ونقول ويش اللي حصل !
اللي حصل مات الأمل!
وياللاسف مااااات الوفاء !!!!!!