ازياء - فساتين سهرة و مكياج و طبخ - ياصاح شفت الذل بالحب مرتاح /!

*
ياصاح شفت الذل بالحب مرتاح
ومرضى القلوب تـحب ذل الذهايب

يبس الورق والغصن ميال ماطاح
لا هو حيا ولا رمته الهبايب

ليته رحل بالذل عن ناظري شاح
ياشين ذل العز بعد المصايب

شمس البراءه طفلةٍ نورها لاح
غاية سعادتها عروس اللعايب

حلم أمها بالشال الأبيض والأفراح
ولعز أبوها في دلعها سبايب

شابت براءتها وفيها الطفل ناح
كبرت وكثرت في هواها الطلايب

عطر الهوى في قلبها مر واجتاح
حتى ملك كل المشاعر وهايب

يابنت ليت الشعر يابنت ما ارتاح
حتى أوضح فرق مخطي وصايب

حلمك بفارس حب وافي ولماح
وأنتي في عينه راس مال وكسايب

ياحالمه بالود قلب الوفاء صاح
يحلم بصدق العشق بين الحبايب

قلبك ملكه الحب من طيبته باح
صدق المشاعر والمحاني عطايب

عشتي حياة أحلام عطرك ولا فاح
يوم العشيق اللي عشقتيه خايب

هزك بغدره يوم حبك له سلاح
وابتز طهرك يوم الأحساس غايب

ماحن قلبك من تهاويل وجراح
ولا حن خدك من دموع ٍ سكايب

صرتي غريقة هم والموج بك راح
وكل الأمل في مغرقك يا عجايب

لا تحملين القلب والحظ الأتراح
قلة مروه تستحق العتايب

بنت الرجال وسرها تحت الإفصاح
في ذمة اللي كان أغلا الحبايب

مهما غلطت هالبنت أرجوك ياصاح
يبقى بفعله حيل واطي وعايب

واليوم ليت الغصن أهتز ثم طاح
ولا نشوف الذل بعد المصايب