بدونك ويش تسوى حياتي
 

استأذنك بسافر ايام واجيك
وان طالت ايام السفر لا تحاتي

حتى ولو طولت ماني مخليك
ياللي بدونك ويش تسوا حياتي ؟!

تامر علي حاجه ؟ باودعك واليك
عسي عوض الايام في المقبلاتي

حتى يدي ماودها تفارق يديك
ساكت و انا اشوف البلا في سكاتي

ما شفتني لارحت منك التفت فيك
بلاي والله روحتي والتفاتي

لكن قبل ماروح ودي اوصيك
وانت الوحيد الي يقدر وصاتي

لحد"سألك وقال لك وين مغليك ؟
قله لوازم لا قضاها بيآتي

وان طرو النسيان ما نيب ناسيك
يا راس مالي في الحياه و غناتي

وان طرو السلوان ما نيب ساليك
طيفك معي حتى و انا في صلاتي

قلبي وهو قلبي اذا مر طاريك
لولا ضلوعي كان عزوا مماتي

لو جض صدري كان يمديه يأتيك
و يبات عندك ويهنا بالمباتي

انا وقلبي والغلا ساكن" فيك "
وانته وقلبك و الغلا وسط ذاتي

غلاك مثل الحكم عند المماليك
اكبر طموحي ( لا ) كل امنياتي

شف في غيابي اي حاجه تسليك
لاني بعدك اسلآ مع ذكرياتي

احاول اذكر اي شي يطريك
واقول هو سوء وانا ذي سواتي

كني موادع كل شي حواليك
كني حسبت احساب حزت وفاتي

احب لاني ما اقدر انساك و ابيك
ولا اقدر اخليك يا الي تحاتي

معنى الحب ولا اقدر انسى و اخليك
يعني بدونك ويش تسوا حياتي

رد: بدونك ويش تسوى حياتي
 

آشكـرك آختـآه : فقد آبدعتـي وآستمتعت بكل حروفك ’’
تقبلي مروري المتواضـع

رد: بدونك ويش تسوى حياتي
 

رد: بدونك ويش تسوى حياتي
 

رد: بدونك ويش تسوى حياتي
 

أج ــمل وأرق باقات ورودي
لردكن الجميل ومروركن العطر
تــ ح ــياتيـ لكــن
كل الود والتقدير
دمتن برضى من الرح ــمن
لكن خالص احترامي