ازياء - فساتين سهرة و مكياج و طبخ - ·!¦[· آحً ـبّـهِ .. آحً ـبّـهِ ,, آحً ـبّـهِ ·]¦!·

شاعرها : نايف الرشيدي

دخيلك لاتنسيني عيوني ماتبي تنساه
............ أنا باأذكره لو بكرة تناستني مشاويره
أحبه كثر ماقلت القصيد بغيبته وأبكاه
............ وأنا مابي بالهدنيا حبيب مترف غيره
أحبه كثر مالج الحشا حزن علي فرقاه
............ أحبه كثر ماذب الغلا وأقفى بتقديره
أحبه كثر ماضم الورق في غفوته وأدفاه
............ أحبه كثر مايمسي علي لجة تفاكيره
أحبه كثر ضحكات البها في غرته وشفاه
............ أحبه كثر ماتهل المشاعر في تعابيره
أحبه كثر مايشره كثر غيضه كثر نجواه
............ كثر مايقبل بهمه كثر ما تاخذه حيره
أحبه كثر ما مات الخفوق بضحكته وأحياه
............ أحبه وأن كذب صوته صدوقه يا معاذيره
أحبه كثر ما يتعب كثر ماتزعله دنياه
............ أحبه كثر مابل المحاني في مساييره
ماهو بيده يفارقني ولا كان الفراق مناه
............ مشي عجل وأنا داري تواصت به مقاديره
ماجاه من الزمن يكفي وأنا والله عرفت أقصاه
............ عزاي أنه قبل يمشي عرف ذنبه وتقصيره
فديتك لا تنسيني جروحي مانست طرياه
............ عسى حب قصر دون الغلا ماتلحقه خيره