يا زماني وقـّـف
يا زماني وقـّـف اصبر لي معك وقفه طويله ,,, و لو تكرّم يا زماني عطني من وقتك ثواني يعني يوم اني قنوع ٍ غايتي حاجه قليله ,,, تذبح الحلم فبرود و تقبره وسط المحاني ؟ اطرد الياس و تجيبه ..؟ و ارسم الحلم و تزيله .؟ ,,, و الامل ويـّـا السعاده .؟ و الهنا ويـّـا الاماني و الفرح و الذكريات .. اللي على خبري جميله ,,, ياخي خذهم كل ابوهم . و اترك الباقي عشاني لا سرقت احلام غيري و لا خذيت الحب حيله ,,, ولو تدقق " فالمَعاني " ترحم بحال " المُعاني " الامل جاب الالم و الحلم حمل ٍ ما نشيله ,,, و الهنا اصبح عنا وش باقي اخسر يا زماني ؟ يا زمن و انت الذي شتمك .. حرام و ما ابي له ,,, و الا لنـّـي ماقدر اشتم صرت متغطرس و اناني عشت عمري في عفاف و غيري يلعب بالرذيله ,,, تترك الجاني طليق .. و تقلب المظلوم .. جاني ما نهيت النفس خوف و لا تردّد او فشيله ,,, بس عندي قلب ْ ... ياخي مستعيف و ما يداني .. آآه وينك يالمواني .. تااه بحرك مع دليله ,,, ضعت يالقلب المسالم .. آآه وينك يالمواني لا متى و الهم غيم ٍ ماطر ٍ .. لو ما استخيله ,,, لا متى و الجرح بير ٍ يجذب احبال السواني قمت لحظه عن مكاني .. بشتري صبر ْ و اجي له ,,, جيت راجع ما لقيت الا .. العنا جالس مكاني لا الصبر ينفع معااك و لا الرجاوي فيك حيله ,,, و ان بغيت ابيع همـّـي . حن ّ .. همي و اشتراني ليت هم القلب يجلي لو تعزويت بقبيله ,,, كم شخصٍ لو نخيته جاك متفرعن و " طاني ْ " ياااه يا سرع الضياع .. و ياااه يا نفس ٍ ثقيله ,,, و ياااه يا كبر البلا لو صد ّ مجدول العناني رُبّما الأيام ُ مَمّا حل ّ يا قلبي ْ كفيله ْ .. ,,, .. انـّـها تُعطي ْ .. لسوء ِ الحظ ْ من حُسن ِ البياني ْ مدري ايامي بخيله و الا اقداري بخيله ,,, لا دعيت الزين راح و لا طلبت الشين جاني اففف يا ليل العنا . يا ليل قلّي من انت ليله ,,, اسود ٍ وجهك عليـّـه ليتك ابيض ياسمراني علمتني دنيتي ان الشعر اصدق وسيله ,,, مثل ما للدمع بعيوني تعابير و معاني و الخيال ان طش ّ و اعلن للصحاري عن هميله ,,, تنبت افكار القصايد .. سدر ٍ اخضر و احمراني يا غصون السدر طلـّـي و ارحمي ذيك الفسيله ,,, اللي نبـّـشها الحمام و كاهل البرد ْ اعتراني سج ّ بالي بهالحمام و قمت اهوجس مع هديله ,,, قلت لو عندي جناحه كيف ابرضا بالطماني رفـّـي فرعك للحمامه .. علـّـها ترحل ذليله ,,, و ادن ْ بظلالك عليـّـه يا غصن .. عل ّ و عساني انثر اجروحي على كف التراب و اشتكي له ,,, و اسأله عن هالجفاف اللي غمرني و ما سقاني و اسأله عني و عن طفل ٍ تلاقى مع رحيله ,,, الا قبل انسى على طاري الجفاف و ما عطاني شوف ذااك الطفل يضحك في برااءه .. ياا حليييله ,,, وش جرا به يا زماني ووش بلاه ووش بلاني وش بقا له بالحياه .. الا كفاحه مع عويله ,,, و انتظاره للجفاف اللي احتواه و احتواني وشوف ذاك الطفل يدمع .. و ان بكا ..؟ يا ويل وييله ,,, تـمـتـم بشهقات ..ما .. ما .. وانفجر دمع و بكاني مدري يبغى .. ماء .. و الا .. أم .. تحضنه و تشيله ,,, قلت انا مثلك بعد و اللي خذا فرحك خذاني مع كل " سنتيمتر" يطول بجسم ٍ اضلاعه هزيله ,,, مات مع " هالصانتي " حلم و امل عمر و اماني حتى ذييييك الذكريات اللي على خبرك قتيله ,,, رااح باحلا الذكريات و تارك اشينها عشاني يا زماني رح .. توكّل .. و ادري الرحله طويله ,,,, و ادري ان الوقت يمشي .. و ادري انه ماحتراني و البَخت لو شح ّ و قرّر يرتكي لي .. برتكي له ,,,, و ان حصل لي ألتقي به .. جيت له و العلم ثاني خلني اشفي غليلي ... و اتركه يشفي غليله .. ,,, .. يا يزين الحال ..؟ و الا العمر لو هو طال فاني |
رد: يا زماني وقـّـف
اقف اجلالاً واحتراماً وتوقيراً لكلماتكِ الراقية
حروفكِ عندما تصافـح شرفـات البـوح ... تتـسـاقـط ابــداعـاً وشــهــداً.. وتتغنى السطور كشدو عصافير .. دمتِي بصحة وسعاده |
رد: يا زماني وقـّـف
|
رد: يا زماني وقـّـف
كلماات رآئعه من كاتبة \اروؤوؤع ؛
|
رد: يا زماني وقـّـف
.......... يعطيك ربي الف عافيه يابعدي وتسلم دياتك يا قلبي .ْ, طرح روعه بالحيــــــــــــل ,ْ’ لاخلينا جديدك يارب ودددي لك .~ |
الساعة الآن توقيت السعودية الرياض و الدمام و القصيم و جدة 02:55 AM. |
Powered by vBulletin® Copyright ©2000 - 2024,
vBulletin Optimisation provided by
vB Optimise (Pro) -
vBulletin Mods & Addons Copyright © 2024 DragonByte Technologies Ltd.