ازياء - فساتين سهرة و مكياج و طبخ

حاولت يا ........ انساك وبعد
لكن بلايه من جروح(ن) لها نوح

عرفت طبي بالفراق المؤبد
لن الغلاء متمكن(ن) داخل الروح

جازيتني بحساسي الصادق بصد
خليتني احفر وصاتي على لوح

اهديتني عقب الغلا صفعه الخد
امسي ودمعي فوق لوجان مسفوح

لامارجيت انك تبادلني الود
ولا رجيت بصمت نبضاتك البوح

والله مكفيني من الناس انعد
في عالمك طيفٍ له ايام ويروح

لكن حسافه ضعت بالجزر والمد
دنياي ماجادت علي غير بجروح

افنيت نفسي مثل عود(ن) من الند
عطره تبخر واصبح اليوم مطروح

تعبت انادي والصدى كان لي الرد
وش حيلتي حتى الصدى صار مبحوح

يالله عسى عقب الشقى جنت الخلد
تعبت احايل دنيتي بدون مصلوح

ويالله عسى في بعدنا اليوم يسعد
ويلقى بدلنا من يشيدله اصروح

لامستني