المشاركة الأصلية كتبت بواسطة روجينا1988 (المشاركة 3958130)

هلأ في نساء مابتحكي وبتخاف لعوامل كتيرة:
أول سبب: الحمل والأولاد، للأسف المرأة كعادتها بتضل تتنازل و تتنازل حتى عن كرامتها لأجل أولادها، مابدها اياهم يتشردوا و يضيعوا بالمحاكم ،مستعدة تنضرب طول عمرها كرمال اولادها
تاني شي: الأهل، للأسف الشديد في أهل بقمة الغباء و الجاهلية، بحيث بتلاقي الأب برجع بنته لزوجها يلي ضربها وبتأسفله كمان فوق انو هو غلطان ولازم ييجي هو يرجع زوجته، بصيروا يحكو: بكرة بتطلق و بتضلها قاعدة عندي طيب أنا ماصدقت وأجوزها عشان ترجعلي ،وبكون جنى على بنته و هو مش عارف
تالت سبب انو المراة نفسها بتكون خايفة على سمعتها من كلمة الطلاق.
و مرة سمعت محاضرة لدكتور بيحكي فيها انو مرة من المرات اجتو مراة بغاية الرقة و الجمال حكتلو انها كانت بدها تطلق من أول اسبوع ولكن ردها الأهل والحمل