ازياء - فساتين سهرة و مكياج و طبخ - الشاعر عيد مربح الرشيدي جسر الاحلام

هـذي مداهـل صاحبـي هــاك الايــام
سـلـم عـلــى ضـلـعـه قـــدم لاتـعــداه

يـاقـد قـلـبـي قـــد ذرعٍ مـــن الـخــام
فــي كــف بـيـاع ٍ يـقـده لـمــن جـــاه

يـاونـتــي ونــــة يـتـيــم ٍ ومـنــضــام
في حالة قشرا علـى الشيـن تقصـاه

مرجوجـة مـن سـاس عـوبـا ونـمـام
مــن بغضـهـا لامـــه تـجــره بعـلـبـاه

محروم من كـل الصلـه جـد واعمـام
وابـــوه ثــــور ٍ مـاتـفـهـم لـشـكــواه

اشـاركـه نـفــس المـشـاعـر والالام
اشـاركـه بالضـبـط نـفــس المـعـانـاه

عـلـى حبـيـبٍ شالـتـه ســـود الايـــام
اقــفــى وراح ولاتـفـاهـمــت ويـــــاه

يزورنـي بالحلـم تسعـة عـشـر عــام
حبٍ علـى وضـح النقـا كيـف ابنسـاه

طيفـه يقابلنـي علـى جـسـر الاحــلام
وشاشـة خيالـي تلتقـط بسمـة شفـاه

ادري الـمـحـبـه اوهـــــام بــاوهـــام
نظرات عطف ٍ من سنا النار مسقـاه

وبحـر المحبـه مااقطعـه كــل عــوام
كـم عاشـق ٍ حصـل بشاطـيـه مـثـواه

والله يالولا العيب ونصوص الاسلام
انــي لاجـهـز عــدة الـشـر وانـصــاه

انـصـاه لــو يحـكـم علـيّـه بـالاعــدام
رب ٍ بـلانــي فـيــه يـدمــح خـطـايــاه

ياضلـع انـا سائـلـك بـديـار الانـسـام
حافـظ علـى عـهـد ٍ بقـربـك قضيـنـاه

سئلتـك بـرب ٍ عالـم ٍ غيـب الارحــام
قـدام يــوم الحـشـر لاتجـيـب طـريـاه

والله ماتدري من قعد بـك ومـن قـام
اسـرار غيـرك فــي ركـونـك مخـبـاه

واحـذر لاتاخـذك الروابـع والاوهـام
مايفـضـح العـشـاق غـيــر المـبـابـاه