ازياء - فساتين سهرة و مكياج و طبخ - باين عليك لشاعر علي مساعد الرشيدي

باين عليك

ودك تنامـيـن؟! نـامـي يــا بـعـد عيـنـي
بايـن عليـك التعـب مـن أمـس سهرانـه
مـن ليلـة البـارحـة.. وأنــت اتداريـنـي
شوفـي المرايـة اعيونـك حـيـل تعبـانـه
نامـي لـك شـوي لــو سـاعـة وخليـنـي
يا بنت عمر السهر مـا يغمـض اجفانـه
ولاني بطاير مـن ايـدك.. هـذي ايدينـي
مـا دام فـكـري مـعـاك اخـتـل ميـزانـه
لـو ترخـي الـشـال لعيـونـي وتنخيـنـي
اجـيـك فـزعـة اخــو ذبــاح لاخـوانــه
صومي عن الناس سمي وافطري فيني
يـفـداك قـلـب تـربــى بـطـيـب جـدانــه
انـــا ظـلالــك مــــا دام الله معـافـيـنـي
الله عـطـاك الـغـلا المـعـبـود سبـحـانـه
انــا ادري انــك نسفتيـنـي.. وتلفتـيـنـي
مهـمـا خسـرتـي معـايـه دوم ربـحـانـه
نامـي وباكـر بكيـفـك.. طلـعـي عيـنـي
الـقـلـب شـــرع لـهـمـك كـــل بيـبـانـه
واذا غفـيـتـي امـانــة حـيــل غـطـيـنـي
برموشـك اللـي مـن الأشـواق رويـانـه

للشاعر علي بن مساعد الرشيدي