ازياء - فساتين سهرة و مكياج و طبخ - مرقة البرياني مع العيش المشخول ..رووعه تستاهلها سفرتج..حياج الله

مرقة البريااني هاذي باختصاار..لذيذه وسهله راح تدمنون عليهاا..
احنا دايما نسوي البرياني بالطريقه المعتاده..حبيت اغير واسوي البرياني بنفس نكهته بس
بهالطريقه... تفضلوا عزيزااتي ...

اول شي نحمس بالزيت..بصلتين مقصصين صغار ونحمس ولا تشوقروا ضفنا ثوم ناعم كميه زينه مع زنجبيل ناعم ونحرك عدل ..وديري بالج وانتي تحمسين لا يحترق معاج الثوم
ونحمس ونضيف نص ملعقة بهارات مشكله ونص ملعقة فلفل اسود وشوية كزبره ناعمه وشوية هيل ناعم وشوية كمون ناعم ومكعب ماجي ونحمس

http://www.zainup.com/upfiles/yob90843.jpg

وعقب نضيف قطع الدجاج ونحرك علشان تتشرب البصل والثوم والبهارات

http://www.zainup.com/upfiles/pjY90843.jpg

http://www.zainup.com/upfiles/iSG90843.jpg

وبعد مانحمس الدجاج عدل نضيف حوالي طماطتين مقصصين صغارونحرك ..ونخلي الدجاج والطماط يتمازجون عدل

http://www.zainup.com/upfiles/Hh390843.jpg

ونسكر الجدر على نار متوسطه ونخليه شوي.. نبي قطع الطماط تختفي وتصير مثل الصوص
وعقب نضيف قطع الجزر

http://www.zainup.com/upfiles/Fzz91115.jpg

و نضيف نص علبة معجون طماط ونحرك المكونات مع بعض

http://www.zainup.com/upfiles/yuH92608.jpg

http://www.zainup.com/upfiles/OQr91115.jpg

ونكون مجهزين ماي حار على صوب نضيفه على خلطتنا ..يغطيها بحوالي 2 سم ونخلي الجدر على نار هاديه يطبخ ..وانتي عاد جيكي اذا صار الماي ناقص تقدرين تزيدينه شويه من الماي الحار..ونضيف الملح

http://www.zainup.com/upfiles/u7w91115.jpg

وعقب حوالي ربع ساعه نضيف مكعبات بطاط مقليه على مرقتنا ونحرك بخفه لا يتكسر معاج البطاط

http://www.zainup.com/upfiles/gFh91939.jpg

ونضيف نص شدة كزبره وربع شدة نعناع اخضر..واذا ماعندج تقدرين تحطين نعناع يابس يعطي نفس النتيجه

http://www.zainup.com/upfiles/otN91579.jpg

ونخليهم حوالي خمس دقايق على نار هاديه وعقب نضيف علبة ونص روب(زبادي) على المرقه ونحرك بخفه

http://www.zainup.com/upfiles/qaw91579.jpg

ونخلي جدرنا على النار حوالي عشر دقايق على نار هاديه ..تتشرب المكونات من بعضها
وراح يكون بهالشكل

http://www.zainup.com/upfiles/M6g91808.jpg

الحين نجي حق طريقة عيشنا المشخول
أول شي نفوح العيش بماي وملح ثلاث ارباع استوا ..ديري بالج لايصير لين معاج
وقبل خمس دقايق من انتهاءه نضيف نص كيس بزاليا مثلجه وعقب نشخله

http://www.zainup.com/upfiles/hyB92245.jpg

و بقاع الجدر نحط زيت وحلقات بصل وشوية بهارات مشكله وفلفل اسود وكركم ونحرك شوي وعقب نضيف العيش الي شخلناه

http://www.zainup.com/upfiles/HCt92245.jpg

نخليه حولي ربع ساعه وطبعا نكون مسكرين الجدر عدل علشان يستوي العيش من البخار ولو تحطين قصدير او فوطه على وجه الجدر يكون احسن..ونرش وجه العيش بماي ورد منقعين فيه زعفران وشوية صبغ العيش ونتفة هيل ناعم

http://www.zainup.com/upfiles/Rn492604.jpg

ولا زهب العيش نقلبه بصينيه علشان ننجب
والي جدرها تيفال ماراح تتعب بهالشغله

http://www.zainup.com/upfiles/oAW92245.jpg

وهذا عيشنا انجب

http://www.zainup.com/upfiles/9Av92940.jpg

http://www.zainup.com/upfiles/Mhd92942.jpg

وهاذي مرقة البرياني اللذيذه..تزينين الوجه بشوية كزبره خضرا

http://www.zainup.com/upfiles/uPV92943.jpg

http://www.zainup.com/upfiles/BLM92942.jpg