ازياء - فساتين سهرة و مكياج و طبخ - ....*(((قصة وين اهلي)))*....

هــــــــــــــــــــــــااااا ااااااي بنـــــــــــــــأااااات

*جبت لكم قصة اعجبتني وحبيت تقروهاااا ,, وعطوني رايكم ..

,,,((وين اهلي)),,,

هذا الله مير يسلمكم ذاك اليوم وانا جالسه على كنب بيتنا << يعنني عندنا كنب واجلس اقلب في جريدة الرياض وكل شوي طايحه على الارض واقرى ذاك الخبر حق الجيزاني الي بدلووه مع تركي ولخطبه ومير جاني احساس وشعور والهام ومها ومنيره وجلست افكر وافكر وافكر وغفيت شوي همن صحيت وكملت تفكيروقلت لايكون انا بعد مبدله << معد ورى واروح لاميمتي وهي في المطبخ ولاهيتن تزين قرصان<<اللي ما يعرف القرصان لا يقول لي اشرحي
انا : يمه يمه يمه يمه مامي << يقالي كشخه
: وجعتين وشو << حنونه امي
انا : انا بنتس ؟
اميمتي :لا انتي بنت ام الدحمي جيراناومير ارووح اركض لغرفتي وانا ابتسي ودمعي اربع اربع: واستلقى على سريري وامسك دبي واجلس ابتسي وابتسي وابتسي << نصابه قسم ماعندي دب بس يقالي مثل هالبنات خخخ لا صدز ومير انقز واجيب شنطتي وحطيت فيها لاب توبي وقواطي تونه وفقس وانزل و البس عباتي واكتب رساله وداع لاهلي واعلقها على الباب :(( إلى اهلي النصابين الي قالو اني بنتهم وانا منيب بنتهم تراني برووح الى الابد الى اللقاء ابنتكم المخلصه ))المهم واروح لبيت ام الدحمي وادقدق الجرس عليهم واسمع ذاك الصووت الي يوم سمعته يفز قلبي وحسيت فيه حنان امومه << امحق خيرررررر وجع بلا وجع وشذا الازعاج ويوم انفتح الباب ومير ارجفه واجلس اصيح واضم الحرمه الي فتحت لي الباب
:يمه يمه اشتقت لتس وراتس تركتيني وش انا مزينه لكمام الدحمي : قصم موب بيدي بس رجلي غصبني << تعيش الجو بسرعه
واجلس ابتسي :صدز يعني انا بنتس صدز ؟
ام الدحمي : هااو وشو بنته الله يصلح حالتس اقول بنت طسي بيت اهلتس بس
انا : بس انتي امي :*********
ام الدحمي : من زينتس عشان اصير امتس انا بحلتن بذا الي عندي تجين تنشبين لي
انا : الله وعندي اخوان بعد <<< يعنني موب مسنتره عن جيرانهم 24 ساعه
ام الدحمي : بنت قسم مالي خلقتس وخري من خشتي خليني اروح اكمل غسيل الحووش
انا : طيب اذا انتي موب امي من امي (( خشتن تعبر ))
ام الدحمي : انتي اصلا امتس خطفتس من ايطاليين ولا انتي منتب سعوديه
انا : وانا اقووول وراني احس اني اهبل وفيني زين مهوب في احد << مشكله الثقه
ام الدحمي : اقول صدز صدز شكل ماعندك مرايات في البيت تلايطي بس << اخلاق سياحيه ومير ترقع في خشتي واتحطم واجلس اركض في الشارع ابتسي وشعري يتطاير <<< ودي دايم اسويها المهم وقلت يابنت مالتس الا اهلتس وارجع لبيتنا وانقز بدوون ماحد يشووفني واشقق الرساله << يعنني ما هجيت وانقز لغرفتي واحط قواطي التونه تحت السرير واخمدطبعا وبعد اسبوووع من المووضوع إلى كل الحاره دارين عن سالفتيوام دحيم ماخلت احد ماقالت له وكل ما شفت احد قام يضحك علي لا واثر اميمتي مصوره نسخ من الرساله وكل من قالت له ام الدحمي السالفه اميمتي ارسلت له نسخه من الرساله وصارت سالفتي على كل لسان
ما يستفاااد : 1- ترى اهلك هم اهلك لاتفكر تتركهم < احلفي 2- كل السالفه نصب << قولي قصم بس 3- لا فكرت ان اهلك مهوب اهلك لاتروح لام الدحمي وتقول لها انتي امي
وش رايكم, اهم شئ تبان سنيناتكم:d