ازياء - فساتين سهرة و مكياج و طبخ - خدعونى ...... فنصحتهم وقلت !!

خدعوني فقالوا :

سلمي على عمو يا حبيبتي ده زي بابا !

فنصحتهم و قلت :

لان يطعن أحدكم بمخيط من حديد خير له من ان يمس امرأة لا تحل له ( حديث شريف )

خدعوني فقالوا :

مفيش فايدة .... يعد زغلول قالها

فنصحتهم و قلت :

ان ظننت انك تستطيع او لا تستطيع فانت محق ( مقولة )

خدعوني فقالوا :

الدنيا مقفلة في وشي ... كل حاجة مقفلة ... مفيش شغل ... مفيش فلوس ... مفيش أي حاجة

فنصحتهم و قلت :

و من يتق الله يجعل له مخرجا ويرزقه من حيث لا يحتسب ( آية )

خدعوني فقالوا :

هي البلد كانت عملتلي ايه .... دي كل حاجة بقت نار

فنصحتهم و قلت

ان الله لا يغير ما بقوم حتى يغيروا ما بانفسهم ( آية )

خدعوني فقالوا :

أنا فاشل .... أنا حظي كده ... طول عمري نحس :d

فنصحتهم و قلت :

في كل مرة تفشل يمكنك ان تستفيد شيئا جديدا يقربك من النجاح

خدعوني فقالوا :

انت ازاي بتكلمني بالطريقة دي .... انت متعرفش انا ابن مين ؟

فنصحتهم و قلت :

ان اكرمكم عند الله اتقاكم ( آية )

خدعوني فقالوا :

بعد كده المعاملة بالمثل .... هتكشر في وشي هكشر في وشها .... هتسلم عليا هسلم عليها

فنصحتهم و قلت :

ولا تستوي الحسنة ولا السيئة ادفع بالتي هي أحسن فاذا الذي بينك وبينه عداوة كانه ولي حميم ( آية )

كم من أناس يخدعوننا بأقوالهم .... و كم من أفكار سلبية تبدو وكأنها مسلمات .....

فلا تمنحها فرصة السيطرة عليك .... بل انصحهم و قل ما لديك

منقول