ازياء - فساتين سهرة و مكياج و طبخ - وتكبر الدنيا بعيوني

گنت أول ..

تگبر آلدنيآ بعيوني

وفي يديني آجمع لبكره آماني

ويازماني أرتشف حلم الطفولة

ومن يطوله .. بالزمن عرضه وطوله

وتكبر آلدنيا بعيوني ..

گنت آول .. أدري بعمري مراحل

شخص باقي / وشخص راحل

والزمن يمشي سريع / ومن يضيع

لو رضيع .. ماتوقف الدنيا عشانه

وتگبر الدنيا بعيوني ..

كنت آول .. أحسب الدنيا تصافي

وكنت كافي / أني ما أعرف تجافي

ويا طبايعنا عوافي .. دام بغض الناس

غافي ..

وتكبر الدنيا بعيوني ..

ياجنوني وياظنوني أسالوني

كان ضيعت الحقايق / كنت رايق

وصرت ضايق / تنكشف لي وثايق

وتگبر الدنيا بعيوني

عالم بعيني غريب / كل شئ آصبح عجيب

القريب ماهو قريب / والصديق خان الصديق

والحبيب عاف الحبيب

وتگبر الدنيا بعيوني

صرت واحد تصغر آحلامه معاه

وقلب ينبض عاف من شئ بغاه

والحياة اللي يسمونها حياة

ماتهم / بس .. سجدة للـ / إله
*

وتصغـر آلدنيا بعيوني !!

راقت لي