ازياء - فساتين سهرة و مكياج و طبخ - فك غلك واحتفل في مماتي

صار الجفا من صاحبي شي مألوف
واصغر هدف يرجيه تحطيم ذاتي

والامر يستدعي المعناة والخوف
ماقد كذا واجهت احد في حياتي

غبنه على المسمع وغبنه على الشوف
وانا انتظر جرحي من اغلى امنياتي

مره اقول استاهل الجرح ملقوف
اجزلت في حبي لها واعطياتي

ومره اقول احرجتها وانت ملهوف
فانا كذا طبعي وهذي صفاتي

مقدر على الكتمان والوضع مكشوف
ماني مره تستر عيوبي عباتي

لكن دخيلك سو ياهيه معروف
ان كان ما وصلك حصل ياغناتي

وانا احتضر والوضع بالموت محفوف
باقول ماقصرت تومي شفاتي

قرب كذا واجهز على النفس بكفوف
ايديك وانعم في حضورك وفاتي

وخفف من الحقد الذي فيك مرصوف
وفك غلك واحتفل في مماتي

وانا اعتبرها منك منه ومعروف
اقل معنى الوصل تنهي حياتي