يامليك المحبه حان وقت الحصاد ..
 

يامليك المحبه حان وقت الحصاد ..
طول عمري أطوف لكن وأحترت فيك ..

والله أني أعرفك قبل سن الرشاد..
ألين جيتك قبل ليله وأنا محتريك . .

ماحشمت السنين ولا حشمت الوداد..
روح شكواي لله .. وحسبي الله عليك ..

ماتوقعت قلبك يكسيه هالسواد ..
ألين قصيت حبل( ن ) من عقب ماهو سميك..

كان سوق المحبه منك جاه الكساد ..
عندنا الربح كاش ولا نسلمك شيك ..

من غلاتك تحملت الشقى والعناد ..
ومن غلاتك أتزعلني وأطوف وأجيك..

جاك عقلي وفكري والنظر والفواد ..
وجاك قلبي وروحي وسقتها في يديك ..

كل شيء أخذته وصرت مثل الجماد ..
مابقى ألا عريقي مايبيني يبيك ..

شفت كبر الغلا .. وبسألك ..؟؟ ويش فاد ..؟؟
راحت سنين عمري بين هذي وذيك ..

ماغزيت الحنايا في جيوش وعتاد ..
مجلس عروق قلبي رشحت له مليك ..

لكن اليوم نكسنا العلم للحداد ..
وأحسن الله ياحبي عزاء والديك ..

وأنت ياللي فراقك صار مثل الأعياد ..
روح لاعاد ترجعلي ولا بأحتريك ..

لا نبي لك حنان ولا نبي لك وداد..
كثر الله خيرك وانعم الله عليك ..

رد: يامليك المحبه حان وقت الحصاد ..
 

رد: يامليك المحبه حان وقت الحصاد ..
 

مشكوره لمرورك ياعسل

رد: يامليك المحبه حان وقت الحصاد ..
 

كلماااااتك تفوووق

الوصــــــف

ما اروع ما يبوـــــح بـــه

قلمـــــــك

ودـــــي لك غالــــيتي

رد: يامليك المحبه حان وقت الحصاد ..