ازياء - فساتين سهرة و مكياج و طبخ - كنـت اصـد و كنتـي انتـي ثايـره مثـل الـشـرار ماعلى لتغة لسانك غير كلمة ( وين .. و

قبل اسافر كنت جالس في زمان الأنتظار
ــــــــــــــــــــــــــــــ ــــ ارتشف هم المكان وكل همي حاجتين

كنت خايف من يباس وكنت خايف من خضار
ــــــــــــــــــــــــــــــ ــ كنت اخاف انك تجين وكنت خايف ماتجين

لين شفتك من ورى بيبان صالات المطار
ــــــــــــــــــــــــــــــ ـ مقبله من كثر شوقك كنت اشوفك تركضين

مرة ٍ ركضك يمين ونظرة عيونك يسار
ــــــــــــــــــــــــــــــ ـ ومرة ٍ ركضك يسار ونظرة عيونك يمين

تايهه ماكنك الا ضحكة ٍ وسط انكسار
ــــــــــــــــــــــــــــــ ساكته ماكنك الا دمعة ٍ فيها حنين

خايفه وجله حزينه .. يعني كنتي بأختصار
ـــــــــــــــــــــــــــــ تشرحين لكل جاهل معنى كلمة عاشقين

بعدها جيتك ولدّت عينك ودار الحوار
ــــــــــــــــــــــــــــ من كفوفي دمعتين ومن كفوفك دمعتين

كنت اصد وكنتي انتي ثايره مثل الشرار
ــــــــــــــــــــــــــــ ماعلى لتغة لسانك غير كلمة ( وين ؟ وين ؟ )

واذكر اني رحت قبل ابديلك ايّة اعتذار
ــــــــــــــــــــــــــــ رحت حتى قبل اطيّب خاطرك في كلمتين

لكن انتي عارفتني زين واللي صار صار
ــــــــــــــــــــــــــ سامحيني واذكريني قدّ ماانتي تقدرين

اذكريني لاانتهت للشمس رحله مع نهار
ــــــــــــــــــــــــــ واذكريني لاصحى للصبح ورد الياسمين

واذكريني لالمحتي في ليالي البرد نار
ـــــــــــــــــــــــــ واذكريني لاسمعتي للمطر صوت ٍ حزين

اذكريني واذكريني واذكريني .. بأختصار ..
ـــــــــــــــــــــــ اذكري فهد المساعد قدّ ماانتي تقدرين

للششااعر ((فهد المساعد