ازياء - فساتين سهرة و مكياج و طبخ - بلغي حملك لزوجك بطريقة مميزة

السلام عليكم ورحمة الله وبركاته

بلغي خبر حملك لزوجك بطريقه مميزه

عرفت او شعرت انك حامل وتاكدت من الحمل كيف توصلين الخبر لالسعيد زوجك

هذه بعض الأفكار جمعتها لك لتختاري منها الأفضل والأجمل

وهي أفكار عن كيف تزفين خبر حملك لزوجك الغالي؟؟؟

لما تسوين اختبار الحمل ويطلع ايجابي غلفيها بالبلاستيك الشفاف وحطيها بعلبة هدايا واهديها لزوجك..

علبة هدايا وتحطين فيها رضاعة وتكتبين في ورقة بابا انا ارسلت لك الرضاعة مع ماما بس

لا تنسى اذا جيت ان شاء الله رجعها لي

أعملي نفسك متضايقه و حزينه وبعدها قولي له إنه في سر أبى أقوله لك وقولي :

انا أحبك كثير بس للآسف في واحد ثاني دخل حياتي بدون استئذان و بدون ما اشعر

خلاني احبه و انا اسفه لانه اخد شوي من مكانتك عندي سامحني الله يخليك وبعد كذا

قولي له اذا تبغى عنوانه هو موجود معي انت شوف يدي وين هو ساكن داخل, حطي

يدك على بطنك وبعدين راح يفهم المفاجاة

بس اللي تجرب هالطريقه تنتبه من زوجها احسن ما يكون سريع الغضب ولازم تقولين له بسرعه قبل ما يزعل..واذا كنتي خايفه من ردة فعله لا تجربي هذه الفكرة..

أول ما تعرفين إنك حامل ، إطلبي من زوجك يوديك السوق ، وادخلي محل لبيع ملابس الاطفال

راح يستغرب ليش انتي داخلة هناك ؟؟
لا تتكلمي بس واصلي وروحي عند الملابس واختاري أي شي

وهنا راح يسألك لمنو تشترين ، قولي له حق البيبي اللي جاي في الطريق خخخخخخ طبعا راح يطير

من الفرح ويمكن راح يشتري لك المحل كله خخخخخخخخخخ

ممكن تأخذين الرضاعه بالكرتونه ومع اغراض للبيبي وتكتبين معها بطاقه وتضعين معها نتيجة التحليل

جيبي ورده حمراء وحطي معها كرت واكتبي في البدايه كلام حلو لزوجك بعدين اخر شئ اكتبي

اني احب اهدي لك هديه حلوه بس لأسف ماقدر اعطيك الهديه الا بعد تسعه شهور (أنا حامل)

ممكن تجيبين علبه فارغه ومغلفه ونكتب عباره داخل العلبه(لا يمكن استلام الهدية الا بعد تسعة اشهر )

لاني احملها في بطني....

ممكن تسوين حفله بسيطه ويكون فيها ثلاث شمعات وتكتبي تحت كل شمعه اسمك واسم زوجك

واسم البيبي اذا كنتم مختارين اسمه أو تكتبي ابننا القادم ان شاء الله...أو تسوين

كيكة وتكتبين فيها مبروك الحمل ...

ومن هذه الافكار ممكن تبتكري طريقه جميله ومميزه اخرى