طريقة عمل بتزا محشية الاطراف بالجبنه
=============================

جبت لكم بيتزا حلوه ولذيذه محشيه بالجبن

استخدمت عجينة العشر دقائق

بعد ما عجنت العجينه سويت خلطة الطماطم

حمرت بصل مقطع وثوم في شوي زيت

اضفت شوي بهارات ثم 3 حبات طماطم مخلوطه وشوي فلفل اسود وشوي ملح

ولما استوت فردت العجينه في الصينيه بدون ما توصل الجوانب وبقيت من العجينه شوي

وزعت الباقي قطع صغير وكل قطعه حشيتها بقطعه صغيره جبن كيري

وهذا شكلها

http://photos.azyya.com/store/up2/090107202457tYfZ.jpg

ومسحت العجينه من الوسط بجبن سايل

ثم حطيت خلطة الطماط ووزعت قطع طماطم و زيتون مبشور

وهذا شكلها

http://photos.azyya.com/store/up2/090107202458Aa5C.jpg

ودخلتها الفرن من تحت 20 دقيقه

ثم رشيت في الوسط جبن تشيدر مبشور ورجعتها للفرن من فوق الين ذابت الجبنه

وهذي هي بعد ما طلعتها


http://photos.azyya.com/store/up2/090107202458hSNs.jpg

وأخيرا ............. يلا بالف هنا وشفا ...