((تعبت أكذب على نفسي))
 

تعبت أكذب على نفسي وأمني خاطري بالقاك
وأقول انك على عهدي وميثاق الهـوى باقـي


تعبت أمشي ورى حلمٍ خذلني يا الغـلا ويـاك
أنا وش لون باطوي البعد وانته تنشد فراقـي


تمنيتك تجي تاخذ بقايا طيـف مـن ذكـراك
يناوش فكري الساهي وينبش داخـل أعماقـي


رحلت ولا تركت اللي يهوّن غيبتك وبطـاك
خذاك البعد عن عيني وكلك ساكـن احداقـي


نثرت حروف من شعري تنادي لك هنا وهناك
عسى يا عل تقراها وتشفـي جـرح دفّاقـي


حزينة مغرمة بطيفك هجرها فرحها بفرقـاك
لأنك مصدرالهامي وعشقي وباقـي اشواقـي


كتبت ولا دريت ان الزمن عن حبنـا ألهـاك
غريبة شلون هالدنيا قـوَت تنسيـك تشتـاقِ


قصيدي بالوله والشوق يرسم لهفتـي إلقيـاك
عساها وين ما حلّت تعانـق ذوقـك الراقـي


سنين تمر من عمري وانا مالي سوى رجواك
تعال احضن بقايا العمر ياعمري الذي باقـي


تعبت أكذب على نفسي وامني خاطري لقيـاك
واقول الحلم يتحقـق تجـي وتحـرر وثاقـي

رد: ((تعبت أكذب على نفسي))
 

يعطيك العافيه

رد: ((تعبت أكذب على نفسي))
 

رد: ((تعبت أكذب على نفسي))
 

شكرا لمروركم

رد: ((تعبت أكذب على نفسي))