ازياء - فساتين سهرة و مكياج و طبخ - جيت بتواضع لكـن [ الكبـر ] جنبـك

كتبت فيك الشعر لجـل انـي اعجبـك
بس انت ما تفهم ولا عنـدك أحسـاس

كنت اتمنى بـس لـو بيـت يجذبـك
لا واحسافـه يالحبـر فـوق كــراس

اظمى وغيري يعطشـك ثـم يشربـك
الله عطـاك الغيـر وعروقـي ايبـاس

اتعبـت قلبـي جعـل الأيـام تتعـبـك
ويبلاك ربي في هـوى كلـه اتعـاس

ضحيت ثم وفيت وازريـت لا اكسبـك
لين [اوقفتنـي] عـزةٍ مالهـا اقيـاس

واليـوم لا والله مـانـي بغاصـبـك
برفع قصيدي عنـك واقـول لا بـاس

ماني بولي امرك على شـان احاسبـك
يالي خفـوك شيـن والطيبـه البـاس

عطيتك اكبـر مـن مقامـك ومطلبـك
ليت اندفاعي ما حصل عقبـه افـلاس

جيت بتواضع لكـن [ الكبـر ] جنبـك
خسرتني وإلا انت قصـرٍ بـلا سـاس

وحرف القصيد الي مدح فيك ولا اطربك
عانه على فرقاك يضرب لـك اجـراس

قـول لغـرورك عزتـي دوم تغلـبـك
لو كنت غالي..عزتي ما لهـا اقيـاس

والمعذره كانـه قسـى قلـب صاحبـك
ان كنت تشعر بالقساوه وإذا حـاس..!

وان كان يجرحك العتب يـوم اعاتبـك
الله يسامحنـي إذا عنـدك أحـسـاس