أحلى و أطعم رز بالبن ها تأكلية في حياتك و بدون نشا
بسم الله الرحمن الرحيم
النهاردة حبيت اقدم لكم وصفة الرز بالبن بتاعتي و اللي بعملها بدون نشا و بتكون تحفة و تهبل بجد و طعمها حكاااااااااااااية ها تجربوها و ها تدعوا لي اول حاجة ها أكون محتاجة : ثلاث ارباع كوب من الرز المصري المغسول و المنقوع على الاقل قبل العمل بساعة كيلو حليب او ليتر حليب كوب الا ربع من الماء فانيليا و روح جوز الهند لو حبيتي نقطة و كمان ماء زهر نقطتين ( على حسب الرغبة ) و ملعقتن قشطة او وش اللبن او كريمة الخفق اللي هي الكريمة اللباني براحتك السكر بقى على حسب الرغبة الفكرة هنا اني مش بضيف نشا عشان نشا الرز اللي بينزل منة كفاية قوي الطريقة اول حاجة يا ستي ها تغسلي الرز كويس و تنقعية ثانيا ها أحط اللبن على النار عشان يغلي بعد كدة ها أضيف الرزو الماء و أخلية يغلي و بعد كدة أهدي النار علية و بعد ثلث ساعة كدة أضيف السكر و اسبة يستوي و أهم شيء اني اقلبة كل شوية عشان ما يلزقش و لما يستوي ها تلاقي ان الرز اتهرى شوية و اللبن بقى كثيف جدا زي كدة أخر خطوة بقى اني اضع القشطة و ماء الزهر و الفانيليا و أطفي النار و أحطة في اطباق لغاية ما يبرد و يمسك نفسة و بالهنا و الشفا |
رد: أحلى و أطعم رز بالبن ها تأكلية في حياتك و بدون
مشكووورة يااا الغلا
|
رد: أحلى و أطعم رز بالبن ها تأكلية في حياتك و بدون
مشكورين
|
رد: أحلى و أطعم رز بالبن ها تأكلية في حياتك و بدون
تسلم ايدك يا حبيبتى وانا بصراحة بعملة زيك كدة من غير نشا وبيطلع حلو اوى وفى الصيف بحط علية ايس كريم فانليا
|
رد: أحلى و أطعم رز بالبن ها تأكلية في حياتك و بدون
تسلم ايدك يا أختي العزيزة لذيذة من غير ما أجربها أنا الصراحة بعملو بالنشا بس ما بكثر رز ورح أجرب زي هاي الوصفة
|
الساعة الآن توقيت السعودية الرياض و الدمام و القصيم و جدة 05:31 AM. |
Powered by vBulletin® Copyright ©2000 - 2024,
vBulletin Optimisation provided by
vB Optimise (Pro) -
vBulletin Mods & Addons Copyright © 2024 DragonByte Technologies Ltd.