كى تعرف ان حب الام لايساويه اى حب.. قصة تبكي
بسم الله الرحمن الرحيم
قصه واقعيه حدثت لشخص من تركيا ابطال القصه الشاب :: الام كانت الام دى شغاله فى المدرسه اللى بيدرس فيها ابنها وكانت ليها عين واحده وكان ابنها طبعا مضايق من الحكايه دى ازاى امه شغاله ( عامله ) فى المدرسه .. المهم قالها انا مش عايز حد يعرف ان انتى امى ولو شوفتينى فى المدرسه ولا كإنك تعرفينى . قالتله حاضر يابنى بس ذاكر انت كويس .. )( سبحان الله ) وفعلا عملت كده ومحدش عرف انها امه خالص بعد كده خلص دراسه فى المدرسه دى وبقى متعلم وجتله فرصة عمل فى الخارج . فسافر حتى من غير مايودع امه والدته اللى ربنا وصى عليها فى كتابه العزيز . واللى حملته تسعة اشهر . مشى من غير مايودع كتلة الحنان الخاصه بيه . طبعا اى ام لابنها انا بعتبرها كتلة حنان وعطف وحب . وربنا يخليهوملنا جميعا يارب المهم عشان مطولش على حضراتكوا بعد ماسافر من غير مايودعها وحتى بعد ماسافر ولا كلمها ولا جواب ولا اى حاجه . خلاص قطع كل علاقته بيها وكإنها واحده كده وخلاص ( سبحان الله ) . وفاتت عشر سنين من غير ماتعرف عنه اى حاجه وبعد كده قررت هيا تسافرله وتعملهاله مفاجأه بعد ماعرفت مكانه . المهم جهزت نفسها وسافرتله البلد اللى هو فيها . راحت للعنوان اللى هو ساكن فيه وخلاص بقى هتقابل كل حاجه فى حياته مهما كان قاسى عليها . هتقابل ابنها يعنى فلزة كبدها . بتخبط الباب فتحلها ولد صغير اتخض منها عشان عنيها . وزى منا قلتلكوا فى الاول هيا كان ليها عين واحده وهنعرف ليه بعدين . بعد ماصرخ الولد طلع ابنها يشوف فى ايه . لقاها امه فزعق فيها انتى ايه اللى جابك ؟ كده تخضى الولد ؟ فالولد بيقول لابوه مين دى يابابا قاله لا ياحبيبى دى واحده مش عارف هيا مين ؟ فقالتله انا اسفه يابنى انا الظاهر غلطت فى العنوان . وانا اسفه كمان لو كنت خوفت ابنك او سببتلك اى مشكله . ومشيت ورجعت بلدها .. شهر شهرين . راح لابنها جواب من تركيا بيقول ان والدته مريضه مرض الموت .. ( بتموت ) .. رجع تركيا يشوف امه قبل ماتموت يمكن يكون ده حرك فى احساسه شويه ( ملحوظه :: انا شخصيا مش معتبره انسان ) .. وهو ماشى فى شوارع تركيا قابله جيرانه بتوع زمان قالوله والدتك ماتت امبارح ودفناها خلاص بس هيا سابتلك معانا الجواب ده .. الجواب (( بسم الله إبنى : فلزة كبدى :: لتعلم انى لم اكرهك فى يوم من الايام ولن اكرهك .. لتعلم انك جزء منى . ولتعلم ايضا ان هناك سر لابد ان تعرفه وهذا السر لن تعرفه الا وانت تقرأ هذا الجواب وساكون ميته حينها .. ابنى :: وانت صغير حدثت لك حادثه ليقرر الاطباء اقتلاع عينك اليمنى .. فخيرونى بين شيئين انقتلع العين ونغلقها كما هى ؟ ام هناك متبرع ؟ قلت نعم . وماذا تفعل عينى معى وابنى تقتلع عيناه ؟ نعم يابنى .. عينك اليمنى هى عينى .. ابنى هذا هو ماكنت اخفى عنك .. فليحفظك الله وليرعاك . ويرحمك والسلام عليكم ورحمة الله وبركاته ..)) منقوول |
رد: كى تعرف ان حب الام لايساويه اى حب.. قصة تبكي
لا حول ولا قوه الا بالله
|
رد: كى تعرف ان حب الام لايساويه اى حب.. قصة تبكي
لاحول ولا قوه الا بالله العلى العظيم
|
رد: كى تعرف ان حب الام لايساويه اى حب.. قصة تبكي
|
رد: كى تعرف ان حب الام لايساويه اى حب.. قصة تبكي
حسبي الله ونعم الوكيل
الله يهدي شباب الأمه جزاك الله خير |
الساعة الآن توقيت السعودية الرياض و الدمام و القصيم و جدة 08:41 PM. |
Powered by vBulletin® Copyright ©2000 - 2024,
vBulletin Optimisation provided by
vB Optimise (Pro) -
vBulletin Mods & Addons Copyright © 2024 DragonByte Technologies Ltd.