ازياء - فساتين سهرة و مكياج و طبخ - مالمسموح والممنوع بين الزوجة والزوج امام الاولاد.....

السلام عليكم
ياعيالي اتركوا أمكم , أبيها بسالفه ..!!
:2kqfby1:
الاطفال بيحتاروا ,, أيش السالفة ؟
لماذا أسلوب لفت الانتباه ؟؟...اللي يخلي الاطفال يتعمدوا المراقبه والتدقيق على الأبوين ..
عشان يعرفون ايش قاعدين يعملوا ..!!!
الزوجين كلما كانوا طبيعين , وانتظروا الفرصه بدون لفت انتباه ..راح يخفف مراقبه الاولاد
لهم , ويمنعهم من الاسئلة المحرجه من اطفالهم ,, اللي مابيعرفو يجاوبو عليها ...
................
(بعض الأسر كل شخص ينام في الوقت اللي يناسبه , ولاهي في غرفته ) ....
لكن بعض الأسر , وقت نومها محدد ..فاذا الاب وقال للزوجة نومي العيال ..
قبل موعد النوم المحد ...والزوجة مستانسه ,, ياللا قوموا نامو الوقت متأخر , والاولاد
مستغربين ( تو الناس ) بدري يماما ليش تريدين منا ننام ؟؟ وترد الام: بلا قلة أدب
ناموا وانتو ساكتين ( أكيد الانسان ينام وهو ساكت هههه ) والعيال عارفين أمهم كأنها تتهيا لامر ما
.......................
بدل اللف والدوران والاحراج ..لو الزوجين يخلو علاقتهم طبيعية على طول
وعدم اخفاء حتى الحركات البسيطه عن اولادهم ,, ماتوصلو الى مرحلة خلق الاعذار ..
مثلا , يكون الزوجين جالسن عادي أمام التلفزيون , والاولاد يروحو ويجوا ويتنططوا ,
اذا الزوج يسولف مع زوجته , وماسك يدها .ودخل طفلهم , تشوف الام فجأة تسحب يدها
ويستغرب الطفل ( مع أن الحركة عادية ) لكن تصرف الام يوحي أن شيئا ما يحدث وقطعه فجأة ههه
.............
والمعنى : أن في حركات عادية انها تصير امام الابناء وبشكل طبيعي
مثلا : الام لازم تعامل اولادها وزوجها بنفس الطريقة ..
1- مساعدتهم في تجهيز الحمام .ولبس الملابس (اللمسات الاخيرة للبس ) مثل ترتب
شكل الاطفال ..عادي تزرر قميص زوجها أوثوبه ,, أو تضبط شماغه وساعته وحذاءه
(مثل عياله بالضبط ..) لكن بعض الزوجات مستحيل تسوي هالامور وتبتعد مترين عن زوجها
بس تشوف العيال
2- لو أحد منهم أصيب لاسمح الله ومحتاج تدليك أو تضميد جرح ,, فالمفروض كلهم سوا ..
لكن بعض الزوجات ..اذا في الطفل شي عادي ..أما الزوج تقول لا,, فشله ,,
وتاخذه لغرفته بس عشان تضمد اصبعه المجروح هههه .. ليش ماتسوي هاشئ قدامهم
وتعلميهم الاسعافات الاولية
3- لو كان العائلة كلهم جالسين عادي على الارض, و واحد من الاطفال يريد ينام يتوسد حجر (الماما )
عادي ..لكن الزوج ممنوع ..مافيها شئ لو الزوج نام وحط راسه في حجر زوجته ونام ..
(بشرط ألا تطيش يده هنا وهناك ...) هههههههه
أما الزوج ...
1- المفروض لو حب أن يشكر زوجته على شئ أو يعتذر من شئ ..لماذا لايعتذر قدام
الاولاد ..بأدب ..ويقبل راسها أو جبهتها ..عشان يعرفو مكانة أمهم
2- اذا الزوج يتكلم مع واحد من العيال وماسك يده أو حاط يده على كتفه أو على راسه
ليش مايسويلها كذا أمامهم
3- المفروض الزوج يخصص وقت يجلس في غرفته لوحده (بدون وقت نوم )
مثلا يقرا جريدة ويشرب شاي على هدوء وتصفح النت ..عشان يعرفوا أن الوالد
له غرفته الخاصة ..في كل أموره ...يعني بالضبط مايدخلها بس عشان اذا يريد زوجته ...
ويثير التساؤلات ..........
والخلاصة .....
أن الامور العادية والبسيطة اذا حصلت بعفويه امام الابناء :10_14_3[1]:
ماراح تخليهم يفكرو في أبعد منها ....لكن اذا الزوجين ابتعدوا فجأة من ممارسة اي شئ بسيط
( وكأنهم متكهربين ) هههه.... هذا يلتفت انتباه الاطفال ..وياللا تعالو جاوبوا على الاسئلة !!!!