|
ااه ياقلبي كم انت حزين ...رغم اني مازلت عروس
الان سار لي متزوجه شهرين
وانا الان حزييينه ومافي يوم يجي الا ببكي ومن داخل قلبي هم كبيييييييير والله بكتب لكم وانا ببكي مش عارفه ايش اسوي ياجماعه ياناس ياعلم ...مش صح انة هذه الايام الي انا بعيشها لازم تكون احلى ايام العمر بس انا مش هيك معي هاي الايام بالعكس نكد وزعل وهم وحزن بنقهر من اشياء كتير.. اولاها..لما اشوف زوجي الي كان خطيبي وكان يلاطفني باحلى الكلام تغير قليل وحتى اكون منصفه (((يمكن انا حساسه لانو بقولي انت لازم تخففي هاي الحساسيه)) وكمان كلما اتذكر يوم زوجنا واول ايامنا بنقهررررر كتييييير لانها كانت عاديه جدا واقل وكنت كل دقيقه ازعل وابكي,,وبضل اتندم وبحكي انو الحق علي لانا فتره الخطبه كنت دائما اطلع معو فراحت هيبتي والله اني مدااااااااااااااايقه كتييييير ومتندمه واليوم راح زوجي على الشغل وانا زعلانه منوو كتييييير ومش عارفه لمين اشكي مبارح كنت اتذكر انا وزوجي ايام الخطبه واقوله انو انت ماكنت تجيبلي هدايا وكنت كتير تزعلني وهو بدل مايراضيني بالعكس حكالي انما متعمد لانك رديتيلي الهديه مرتين ((وانا عنجد رديتلو اياها لانها بالمره)) والله الني متندمه اني تزوجت واني ما اجلت ..وللان بداخلي شي نفسي اعيد كل اشي ااااااااااااااااااااخ يقلبي ...والله تحملت كتييييير من الهممممم خواتي حبيباتي انا كتيييييييييير كتير مدايقه وحزينه ومحبطه وان شاء الله الاقي فيكم يد العون والراحه :( :( :( املي بعد الله بكم |
رد: ااه ياقلبي كم انت حزين ...رغم اني مازلت عروس
حبيتي هذا حياة زوجيه يعني حياة جادة وبعدين الرجل بيخر ج يشتعل لشو بالله مو منشانك ومنشان طالبتك
وبعدين ليش ما تبدين انتي بعمل حركات رومانسيه مثل رسم قلب على مرايه الحمام او ارسال مسج بكلمة احبك واشتاق لك للا تتاخر علي و تزيني البسي الميني جيب والشفاف وتلاقين استحابه ام تقعدي تبكي و تنظري من الشاب استجابه ما حدا بيحب النكدكل يوم اقري عن اساليب اغراء الرجل و نسيت شي الرجل اقرب شي له في الحياة امه فيجب عليك الاهتمام بامه وتعزمي يوم ويوم تروحو لعندهم وادرسي مو تجعلي الرجل اكبر همك الرجل بيحب المراة الي تستقل عنه مو متشبعطبة كانه بيبي مستني الرضاعه من امه وصلي الليل وادعي ان الله يسخره ليكي |
رد: ااه ياقلبي كم انت حزين ...رغم اني مازلت عروس
اشكرك مهجه الفؤائد على الرد
بيس انا والله بلبس احلى اللبس وبتزين احلى زينه و هو بيفرح في وحرام اقول الا الحق انو بحاول يعمل معي اساليب لافرح بس انا بضل جواتي اشي مو طبيعي ضيق وبضل اتذكر اول ايامنا الي كانت كلها تعب ومرض ومش حلوه |
رد: ااه ياقلبي كم انت حزين ...رغم اني مازلت عروس
مرحبا اختي ومبارك عليكي الزواج.........
كل طريق في بدايته صعب .......وانتي لسه بأول الطريق وطبيعي تعملي مقارنة بين حياتك قبل وحياتك هسه ويمكن تلاقي حياتك وانتي بنت كانت احلى واسهل لانها خالية من المسؤولية...... وطبعا ايام الخطبة عادة تكون غير واحلى والزوج وحتى الزوجة بيختلفو بعد الزواج عن ايام الخطوبة لانو بالعشرة تبدءي تفهميه ويفهمك اكثر وتظهر صفات وطباع يمكن ماكانت موجودة ولاكنتي حاستها بزوجك.. واكيد الزوجة بتتأثر بهالاشياء اكثر من الزوج لانها بطبيعتها حساسة ورقيقة......ويمكن هو بيطلع ويشوف اصحابه ويغير جو فبالتالي مايسيطر عليه التفكير بهالاشياء......اما الزوجة الي ماتتشتغل وتقضي وقتها بالبيت فتعاني اكثر وتبقى طول اليوم تفكر وتحاسب روحها ليش هيك صار وليش هيك حكينا وشو كان قصده بالهحركة وتبقى قلقانة مو مرتاحة...... عزيزتي حاولي تصفي ذهنك وتركزي في الاساليب الي تمشي حياتك وتسعدك.....حاولي تطلعي مع زوجك برا وتغيرو جو......حاولي تشغلي وقت بأشياء غير التفكير والقلق.......اقرءي قرآن ........اقضي وقت اطول بالمطبخ .......اخرجي مع صديقاتك وعيشي حياتك...............وانا انشالله بنزل موضوع يتكلم عن ظاهرة الاكتئاب بعد الزواج وفيكي تدخلي وتسفيدي اكثر. الله يسعدك بس قوي حالك ولاتستسلمي لللقلق. |
رد: ااه ياقلبي كم انت حزين ...رغم اني مازلت عروس
مشكورة حبيبتى
http://dl3.glitter-graphics.net/pub/...zkwk7se6i2.gif جزاكى الله خيرا http://dl4.glitter-graphics.net/pub/...lk962lm10n.gif لاتحرمينا جديدك http://dl6.glitter-graphics.net/pub/...pe1u9or1bn.gif |
رد: ااه ياقلبي كم انت حزين ...رغم اني مازلت عروس
عزيزتي
مشكلتك انك فاهمة الزواج غلط و كأنك فاهمه الزواج انو فرح و سعادة دائمة و الامور الي بتعرفيها لكن لما دخلتي الخياة على حقيقتها صابتك صدمة من الواقع واستيقظتي من الاحلام الي كنتي راسمتيها ايام العزوبية الزواج مسؤولية عظيمة جدا جدا جدا و صعبة كتيييير حتى نكون واقعيين لكن صعبة للذي لا يقدره حق قدره و واضح انو زوجك كتيييير طيب و بفهم والدليل لما يشوفك عم تعمليله اي شي يسعده على طول ببادلك باي شي شي يسعدك انتي كمان و للاسف انتي فعلا حساسة متل ما قالك زوجك و الخوف انو حساسيتك الزائدة هذه تجعلك تخسري زوجك والعياذ بالله الحل: انتي بحاجة لجلسة حوار و نقاش هادئ جدا ...... لكن مش مع زوجك لا لا لا انتي بحاجة للجلوس مع نفسك وان تعيدي حساباتك و نظرتك للزواج و تعيدي برمجة نفسك بحيث تقنعي نفسك بانك ستخففي من حساسيتك الزائدة لانها عم تمنعك من العيش بسهولة و راحة بال متل باقي البشر و من اجل خاطر زوجك الي بيتمنى يشوف زوجة فرحة و غير نكدية لانو النكدية بتزهق الرجل حياته و بصير يتمنى انو ياريته ما تزوج هالبنت لا تحطي نفسك بموقف لا يسر عدو ولا صديق فاهمة علي؟؟؟ بيدك انتي علاج المشكلة لانو هذه المشكلة (سامحيني) من صنعك انتي بالتوفيق وانشالله تستفيدي |
رد: ااه ياقلبي كم انت حزين ...رغم اني مازلت عروس
عزيزتي ورد الفل
متل ما قالو لك الاخوات انا بدي اعاتبك ع شيئين خطا عملتيهم انك متزوجة وقاعدة بتعاتبي بزوجك ع ايام الخطبة ليش ما جابلك هدايا؟؟؟؟؟؟؟؟ غريب امرك جد انتو متزوجين وبعدكم بالعسل وانتي شو عم تحكي معه ؟؟ليش العتاب ع شي مضى و راح؟ وعتابك له ع شي غير مؤثر بحياتك الزوجية القادمة يعني انما جابلك هدية بالخطبة بيجيب بالزواج قدامك ان شالله 30 او 40 او 50 سنة تعيشوها سوا واظن انو فيها مليون فرصة يجيبلك هدية يعني مو مستاهلة خناق وعتاب هلا والشغلة التانية الهدية مو بقيمتها المادية ابدا يعني لو زوجك اهداك قصيدة او بيتين شعر شو راح تكون ردة فعلك؟ الهدية حبيبتي بقيمتها المعنوية شو ما كانت اولا جاية من زوجك يعني كبريها و امدحيه عليها وامدحي زوقه فيها وفرجيه انك طايرة من الفرح بيها مو تنتقديها وترجعيها له . هيك اخد عنك فكرة انك بتكسفيه و بتنتقدي زوقه وما بيعجبك شي الا واو ع مزاجك ليش حبيبتي عم بتعاملي زوجك هيك؟ اسمعي مني واتركي هاي الافكار والشكوك اللي بتجيكي عن زوجك لانها خطأ ومن وسوسة الشيطان شكله زوجك لقطة وما في منو وانتي عم بتفرطي بالجوهرة اللي عندك و عم بتزعليه ع اشيا ما لها اهمية ابدا من اليوم وطالع اخلقي السعادة بايديكي الك ول زوجك بدل ما تصنعي المشاكل حسيتي نفسك حزينة وزعلانة ع شي انتي عارفة بينك وبين نفسك انو منطقي او بالماضي انسي وتعوذي من الشيطان و روحي ابسطي زوجك و اهتمي فيه السعادة الانسان بيصنعها ولا تنتظري زوجك يقدمها الك ....... شو راح تعملي بعدين لما يواجهكم مشاكل او صعوبات حقيقية لازم تخلي زوجك يثق بيكي و بفكرك واهتماماتك وانا قلت من قبل انسي الافلام القديمة اللي كلها حب و رومانس وانتبهي احنا عايشين بالواقع الواقع فيه حب وفيه رومانس بس مو طول الوقت انتبهي لزوجك لا تزعليه وطمنينا عنك معلش كنت جادة بكلامي بس لمصلحتك صدقيني يا صديقتي |
رد: ااه ياقلبي كم انت حزين ...رغم اني مازلت عروس
اختي العزيزة انتي غلطانة بكتير اشياء لانك داخلة عالزواج ومفكرة انو متل الخطبة وهو غير هيك بكتير
اختي في الخطبة بكونو المخطوبين متلهفين ليشوفو بعض لانو بينهم مسافة لكن بعد الزواج التغت هديك المسافة وقربتو من بعض فلازم يصير شوية ممل وانو يبعد عنك شوي مو لزقة متل الخطبة فانتي وشطارتك واساليبك كيف ممكن انك تخليه يبقى حدك وما يمل...وغير هيك شكلك كتير بتعاتبيه وتجادليه وتنتقديه والزوج بكره هاي الاشياء كره العمى ولا بطيقها حاولي ما تعلقي على كل اشي بعملو او اي تصرف بيعمله ولما يشوفك مو مهتمة فيه ومو سائلة ببعده رح تشوفيه كيف بركض وراكي.... حبيبتي لازم لما زوجك يهديكي اي شي انك تبينيلو قديش حبتيها وان كانت ما عجبتك بكفي انو متذكرك وجاي مبسوط ورحتي انتي بتصرفك حطمتي فرحتو بالهدية وهيك تعلم انو ما يسترجي يجيبلك هدية بعد اليوم ولا رح تعلقي عليها.... الحياة الزوجية صعبة وقد ما احكيلك صعبة فهي صعبة بس الزوجة بذكائها وشطارتها ودهائها بتخليها احلى شي بحياتها وزوجها بحطها بعيوني وحاولي لو صار خلاف بينكم وطلع عشغله ما تضلي مبوزة ومكشرة بوجه بالعكس تجمليله والبسي حلو وردي السلام لما يروح من شغله وكيف الشغل معك..عندها بحكي هادي ما تأثرت بالمشكلة وعادية بالعكس احسن من اول...فبنسى..انا ما بحكيلك انك تنسي المشكلة اذا مهمة لدرجة كبيرة عندك بس لما يرتاح وينام وتلاقيه رايق افتحي معو الموضوع بكل هدوء وناقشيه بس من دون عصبية وصراخ واذا شوفتيه عصب حاولي تهديه بكلمتين حلوات وارجعي احكيلو انك بدك توصلي لحل بمشكلتك. الزوج طفل لازم تعرفي كيف تعامليه وتداريه مشان تضلي مبسوطة وسعيدة. انا طولت عليكي بس انا حابة انصحك واساعدك اذا بتحبي نتصادق وندردش سوا انا جاهزة لاي مساعدة لاني مريت بنفس وضك وهاي صرلي 3 سنين والحمد لله ماشية..اتمنى اسمع اخبار حلوة ومبرررروووووك:11_3_2[1]: |
رد: ااه ياقلبي كم انت حزين ...رغم اني مازلت عروس
اقتباس:
والمشكله انا قبل ما اتزوج كنت متعوده على الطلعه والانشطه وكلها هلا راحت متت داخل البيت عقولتك هو بيطلع وبيغير جو وانا مقهوووره بحالي بس ان شاء الله رح اغير واحاول انشغل ....بس والله اني بحاول اتناسى االايام الي راحت واقارن بينها بس ما بقدر ااااعه الله يععععععععين |
رد: ااه ياقلبي كم انت حزين ...رغم اني مازلت عروس
[quote=روجينا1988;4213405]عزيزتي
مشكلتك انك فاهمة الزواج غلط و كأنك فاهمه الزواج انو فرح و سعادة دائمة و الامور الي بتعرفيها لكن لما دخلتي الخياة على حقيقتها صابتك صدمة من الواقع واستيقظتي من الاحلام الي كنتي راسمتيها ايام العزوبية الزواج مسؤولية عظيمة جدا جدا جدا و صعبة كتيييير حتى نكون واقعيين لكن صعبة للذي لا يقدره حق قدره و واضح انو زوجك كتيييير طيب و بفهم والدليل لما يشوفك عم تعمليله اي شي يسعده على طول ببادلك باي شي شي يسعدك انتي كمان و للاسف انتي فعلا حساسة متل ما قالك زوجك و الخوف انو حساسيتك الزائدة هذه تجعلك تخسري زوجك والعياذ بالله الحل: انتي بحاجة لجلسة حوار و نقاش هادئ جدا ...... لكن مش مع زوجك لا لا لا انتي بحاجة للجلوس مع نفسك وان تعيدي حساباتك و نظرتك للزواج و تعيدي برمجة نفسك بحيث تقنعي نفسك بانك ستخففي من حساسيتك الزائدة لانها عم تمنعك من العيش بسهولة و راحة بال متل باقي البشر و من اجل خاطر زوجك الي بيتمنى يشوف زوجة فرحة و غير نكدية لانو النكدية بتزهق الرجل حياته و بصير يتمنى انو ياريته ما تزوج هالبنت لا تحطي نفسك بموقف لا يسر عدو ولا صديق فاهمة علي؟؟؟ بيدك انتي علاج المشكلة لانو هذه المشكلة (سامحيني) من صنعك انتي بالتوفيق وانشالله تستفيدي[/qu شكرا يا أخت روجينا على تفهمك ونصائحك الاكثر من رائعه والي قلتيه 90%مزبوط وانا معك لازم اغير كل افكاري وكل حساباتي واجلس مع نفسي بس بتعرفي ليش انا هيك..لانو صح زي ماقلتي انو زوجي الحمدلله طيب وبحاول باقصى مجهوده يسعدني بس انو كان ايام الخطبه يوعدني بتاشياء كتييير وكان يوصفلي كيف رح تكون ليله الدخله ويعيشني باحلى الاحلام الورديه بس للاسف انصدمت بالواقع وماشفت ولا اشي من الي بحكيه .. والله ما بتذكر اني فرحت ابدا مع انو كل اشي توفر بس والله انو الفرحه مادخلت شغاف قلبي زي باقي العرايس لكن الحمدلله على كل حال وان شاء الله تننجل كل الهموم..........يارب |
رد: ااه ياقلبي كم انت حزين ...رغم اني مازلت عروس
اقتباس:
وبالعكس كل الي بتعاتبني فيه على قد اهتمامك في وبالنسبه للعتابات انا نعك بالعتاب الاول انو كل الي بنحكي فيه بالماضي وماله اي فائده ايجابيه بالعكس اطواشنا انا واياه وازعلنا من بعض وصارت مناحه مني وبالنسبه للعتاب الثاني ...اكيد خطأ اني ارد الهديه بس والله العظيم اني كنت اعملها غصب عني يعني اهلي وامي وخواتي بقولولي شو هاي الهديه انتي مش هيك مستواك انتي .. وانتي... و طبعا انا بتأثر كتيييييير بحكيهم وبسير ابكي واضايق وافش غلي فيه وتزيد المشاكل اااااااااااه يا حلى لاتذكريني والله ثم والله انو اغلب مشاكلنا ايام الخطبه اذا مش كلها من اهلي والمسكين زوجي الطيب بيتحمل كل هاي المشاكل وانا بزيد الهم والى الان اهلي عم يدخلو بكل اشي مع انهم بعاد ببلد تاني وبدهم ياخدوني شهر عندهم وزوجي مش راضي وانا بين نارين ااااااه الله يفرجها علي وشكرا كتيــــــــــــر :11_1_207[1]: |
رد: ااه ياقلبي كم انت حزين ...رغم اني مازلت عروس
اقتباس:
بس ليش الله يسامحك بتحكي انو الزواج صعب لهدرجه كتير هيك ..والله خوفتيني واقلقتيني كتير يعني كنا نسمع قفص الحريه والفرح والسعاده والهناءو...الخ كلو كذب عنجد اشي بزعل (((بس بدي احكيلك اني كل ما ازعل من زوجي بقوله خلص انا ما بدي اياك انا بدي اروح عند اهلي ))....والله بتمنى املك نفسي واعمل الي قلتيلي عنو وبتشرفني كتير صداقتك يا صديقتي |
رد: ااه ياقلبي كم انت حزين ...رغم اني مازلت عروس
صديقتي انا ما قصدي اخوفك من الزواج الزواج كتير حلو بس التعامل والتفاهم هو اللي بخليه حلو اما المشاكل والزعل على كل اشي كبير كان او صغير رح يخليكي تتمني انك ما تزوجتي..انا اكتشفت هالشي بعد 3 سنين من المشاكل والخلافات بس خلي كل تصرفاتك من نفسك انتي ونصيحة لا تسمعي كلام اي حد حتى اهلك لانك انتي اكتر وحده بتعرفي زوجك اهلك ما عاشو معو مشان يعلموكي كيف تتعاملي معو وعمها الهدية ما كانت مقياس للشخص انو منيح ولا لأ..ما دام الزوج متذكرك وحتى لو جابلك حبة شوكولاتة واحدة لازم تنبسطي وتفرحي انو زوجك بفكر فيكي بكل لحظاته..
وان بتشرف فيكي يا اختي العزيزة:icon_eek: |
رد: ااه ياقلبي كم انت حزين ...رغم اني مازلت عروس
اقتباس:
تسلمي :0154: |
| الساعة الآن توقيت السعودية الرياض و الدمام و القصيم و جدة 02:26 AM. |
Powered by vBulletin® Copyright ©2000 - 2024,
vBulletin Optimisation provided by
vB Optimise (Pro) -
vBulletin Mods & Addons Copyright © 2024 DragonByte Technologies Ltd.