ازياء - فساتين سهرة و مكياج و طبخ - اللهم اغفر لكل من قرات كلامى هذا

--------------------------------------------------------------------------------

بسم الله الرحمن ...

الحمد لله حمداً حمده به الأنبياء والأولياء والعباد الصالحون والصلاة والتسليم على أنبياء الله و رسله

أجمعين ، بالأخص خاتمهم وأفضلهم محمد المصطفى وأهل بيته الذين طهرهم و أذهب عنهم الرجس

و جعلهم القدوة للناس إلى يوم الدين ...

اما بعد.. اخيتي ... ابيك تركزين معاي ..تخيلي نمتي .. وبعدها صحيتي وانتي بالقبر واثنين

بسألونك منكر ونكير ...

وش بتسوين لو كنتي مضيعه العباده ؟؟ ومضيعه الصلاه ؟؟؟ مضيعه قراءة القران ؟؟؟ وش بتسوين

بتقولين طيب برجع الدنيا برجع اعمل صالحا .. رجعوني الدنيا والله ماقوم من على

السجاده ... والله ماأهجر القران .. والله ماسمع اغاني ... والله لافعل وافعل وافعل ... لكن السؤال

هنا ... هل سترجعين الدنيا ؟؟؟ هل سيسمح لك بالعوده؟؟؟ لا والله ماراح ترجعين تبكين تصيحين

لكن والله ماراح ترجعين .. تتلفتين يمين يسار .. تقولين وين طيب اللي كنت احبهم وين اللي كنت

اتبع طريقتهم بالعصيان وينهم مايجون ينقذوني ؟؟؟ ماراح تلاقينهم ؟؟ لان بالقبر ماراح ينزل

معاك إلا عملك وماراح ينقذك الا الحسنات ... طيب وينها الحسنات وينها ؟؟؟ ليش ضيعتيها

ماكان عندك دنيا تلعبين وتلهين فيها ؟؟ ليش ماتذكرتي الله ليش ماتذكرتي انك بكره بتكوني

بالقبر ؟؟؟ ليش ماتذكرتي الا الحين ؟؟؟ ليش كنتي تعصين الله ؟؟؟ليش كنتي تسمعين اغاني

من زينها ؟؟ والله انها ماتجيب الا الهم والغم ... ليش تسوين كذا وكذا ؟؟؟ الله قال بكتابه

(وماخلقت الجن والانس الا ليعبدون ) توك جايه تتذكرين الآيه ؟؟؟الحين وش ينفعك ؟؟؟ وين صلاتك

؟؟ وين قرانك ؟؟؟ وين استغفارك ؟؟ وين اعمالك الصالحه ؟؟؟ وينهم عشان يدخلونك الجنه ؟؟؟

وش بتقولين ؟؟ بتقولين ضيعتها ؟؟؟ يالله والله كبيره تقولينها والله كبيره تقولينها ...

ليش تضيعينها ؟؟ ربي ماعطاك حواس تقدرين تسوين بها كل شي ؟؟؟ ليش ماستغليتيها

في طاعته ؟؟؟ ربي مو هو اللي انعم عليك بكل شي ؟؟ طيب ليش تقابلينه بالعصيان ؟؟؟

هذي نهاية الإحسان ؟؟ ربي احسن اليك واعطاك نعم لاتعد ولاتحصى .. وانتي تقابلينه بالعصيان ؟؟

والله حرام .. ربي يعطيك ويعطيك ويعطيك ويمهلك وانتي مازلتي تتمادين في العصيان ...

اختي في الله ... اجلسي كذا وتذكري القبر .. يمكن ماتعيشين لين المغرب يمكن بكره وفاتك

يمكن بعده ... والله ماراح تتخلدين .. قال تعالى ( إنك ميت وإنهم ميتون ) .. اعملي لبكره

اشتري الجنه والله الدنيا فانيه ...والله انها فانيه .. والله يالدنيا ماهي حلوه إلا بطاعة الله

وربي ماينفعك بكره الا عملك ... ابدأي من اليوم .. حافظي على صلواتك .. داومي على قراءة القران

وحاولي تحفظينه ...احفظيه الله يجزاك الجنه ..

اتركي الاغاني .. بقولكم شي يمكن ماتعرفونه في مغنيه يوم سووا مقابله معاها كان معاها

كلبين ...

سألوها قالوا وش اسماءهم قالت واحد اسمه احمد والثاني اسمه محمد .. عليها لعنة الله ...

هؤلاء بعد هذا اليوم باقي تسمعون لهم ؟؟؟ والله مايستاهلون .. يالله يارب لاتغضب علينا

لو انها تخاف الله ماقالت هالكلام ...

تأملي هالآيه معاي (قَالَ فَبِعِزَّتِكَ لأغْوِيَنَّهُمْ أَجْمَعِينَ إِلاَّ عِبَادَكَ مِنْهُم الْمُخلصين) الشيطان يوم انحرم

من الجنه وش قال .؟؟؟

قال بغوي كل البشريه ... ليش قالها طيب ؟؟؟ لإنه انحرم منها انقهر قال ليش هو يدخلها لحاله

اقسم انه يغوي البشريه عشان يشاركونه النار ... الحين وانتي تسوين معصيه والله يالشيطان

جالس يضحك لإنه اغواك لإنه يبغاك في طريقه ... واذا سويتي معصيه يكون هو فاز عليك

تبينه يفوز عليك ؟؟؟ تبينه يضحك عليك ؟؟؟ تبينه يحرمك من الجنه اللي ماتنوصف في روعتها ؟؟

بتقولين لا ... طيب خلاص اجل اتركي طريق الشيطان واسلكي طريق التوبه ...طريق الجنه ...

لكن تخيلي اللي تركت الدنيا واشترت الجنه ... يوم تدخل قبرها ... يالله شي لايونصف تخيلي

الحسنات تتسابق وهي تشفع لها ... يالله والله شيئ تدمع له العين ....

اختي في الله ... تدرين ان اللي يدوام على قراءة القران ومن حفظه ... وش جزاه بالقبر ؟؟

شوفي وش جزاه .. في حديث يقول .. ( عند موت الإنسان وأثناء انشغال أقربائه بمناسكِه الجنائزيةِ ، يقفُ رجلٌ وسيمُ جداً بجوار رأس الميت . وعند تكفين الجثّة ، يَدْخلُ ذلك الرجلِ بين الكفنِ وصدرِ الميّتِ . وبعد الدفنِ ، يَعُودَ الناس إلى بيوتهم ، ويأتي القبرِ ملكان مُنكرٌ ونكير، ويُحاولانَ أَنْ يَفْصلاَ هذا الرجلِ الوسيم عن الميتِ لكي يَكُونا قادرين على سؤال الرجلِ الميتِ في خصوصية حول إيمانِه . لكن يَقُولُ الرجل الوسيم : " هو رفيقُي ، هو صديقُي . أنا لَنْ أَتْركَه بدون تدخّل في أيّ حالٍ منَ الأحوالِ . إذا كنتم معنينَّن لسؤالهِ ، فاعمَلوا بما تؤمرونَ ، أما أنا فلا أَستطيعُ تَرْكه حتى أدخلهْ إلى الجنة ِ" . ويتحول الرجل الوسيم إلى رفيقه الميت ويَقُولُ له : " أَنا القرآن الذيّ كُنْتَ تَقْرؤُه بصوتٍ عالٍ أحياناً وبصوت خفيض أحياناً أخرى . لا تقلق . فبعد سؤال مُنكرٍ ونكير لا حزن بعد اليوم . وعندما ينتهى السؤال ، يُرتّبُ الرجل الوسيم والملائكة فراش من الحرير مُلئ بالمسكِ للميت في الجنة )

بعد هذا كله بتفكرين انك تتبعين طريق الشيطان ؟؟؟ اكيد الاجابه لا

اذا فاسلكي طريق التوبه من الآن قبل ان تذهب روحك الى الله عز وجل ....

اخيرا ....

( .. اللهم حرم وجوهنا عن النار .. اللهم ارزقنا الجنة مع الابرار .. ... اللهم انك عفو تحب العفو

فاعفو عنا ... اللهم لاحول ولاقوة لنا الا بك فاغفر لنا ذنوبناوتب علينا انك انت التواب الرحيم ... اللهم

اغفر لكل من قرأ كلامي هذا واجعله ممن ينطقون الشهادة عند الموت ... اللهم اعز الاسلام

والمسلمين ... اللهم اهدي جميع شباب وبنات المسلمين ... اللهم احفظنا واسترنا في الدنيا

والاخره ... اللهم ارزقني محبتك ومحبة من احببت)