ازياء - فساتين سهرة و مكياج و طبخ - عربجيه دلوعه في سوق الفيصليه..هههههههه

عربجيه دلوعه في سوق الفيصليه

عربجية في سوق الفيصليةلاتفوووتكم

بسم الله الرحمن الحيم

في ليلة من ليالي الصيف المشرقة والقمر صايرهلال>> هاه بدينا في التخبيص
ذهبت مع أختى الصغرى إلى الفيصلية وبعد أن دلفنا مع البوابة الرئيسية>> يمديكم على العربية الفصحى
وأنا أمشي رازتن عمري بذاك الكعب أللي أطول من برج الجوال>>خخخ إذا بي درررررررررررررررررررددببب أطيح ذيك الطيحة الشينة
ودوروني ماتلقوني من الفشيلة!!
حسيت الدنيا سودآآ في عيوني وأنا أسمع ضحكات الناس من حولي>> حامد زيد علي غفلة

وأختي آآآآآه يا أختي اختفت فص ملح وذاب أمحق أخت مالت عليها وين الأخوه معه؟
وأحاول أقوم بس عجزت! رجلي توجعني وراسي يفر فيني يمين وشمال كأني مساحة ددتسن
وإلا بواحد من هالشقر الحمر ماد يده لي ويقول لي: ألف سلامة عليك خيتو!
وأنا أعطيه ذيك النظرة أللي خلته يحط رجله وينحااااااش
خاواه الجني مابقى إلا هي بعد،،
يبيني أتمسك به أتمسك بأبليس ولا أتمسك به>> تبي تكحلها عمتها
بس تصدقون رحمته مسكين جاي يساعدني وأنا روعته هع هع>> عربجية
وبعد ماقمت وتواسيت وظبطت عمري إلا بأختي جاية وتقول: وييينتس قااااعدة أدووور عليتس من الصبح؟!
أنا كنت منقهرةمنها قلت لها كلي تبن ولا تحاتسيني أجل تشوفيني صريعتن على الأرض ولا تهبين لنجدتي أمحق أخت>> ماتعرف تعبر خخخخخخ
عاد قامت تعذر وتقول أنها شافت ذاك البدي أللي يمعط القلب عند مانغو وخافت لا يطير منها!! صدق عذر أقبح من ذنب بس تغاضيت عنها وسامحتها لأن قلبي طيب وكبييير ياسع أهل الرياض كلهم>> مبيين هع هع
ومابعد مارحنا نتسوق رحت بسحب من الصراف>> يقالي كاشخة
دخلت بطاقتي يوم جيت اسحب من رصيدي إلا الصراف يقول إن العملية قد ألغيت!!! عاد أنا فقيت خشتي على وسعها>> الله لايروعكم
وأدور بطاقتي لقيت الصراف بلعها بلعه الجني إن شاالله!! ياليل البعاااااارين وش هالورطة بعد وش أسوي؟؟
يوم سألت واحد من السكيورتي إلي جنب الصرافة قال لي إن الصرافة خربانة ! انقهرت ،،يوم لفيت لأختي لقيتها تضحك بس ماهاوشتها ولا قلت لها شي أبد أخاف تستنذل ولا تعطيني قروش،، تعرفون الدنيا مصالح
ولازم أتلبق لأختي تراها أختي قبل كل شي>> أيه هين
ولأول مرة في التاريخ أوافق أختي في رايها!! إذا قالت ذا حلو أقول أيه يهبل وإذا قالت ذا وع أقول أيه يحوم الكبد!!>> قالوا وش حادك على المر؟ قلت: أللي أمر منه!!
وكملنا تسوقنا ورجعنا لبيتنا فرحانين ومبسوطين..>>
وتوته توته خلصت الحدوته

بإنتظار ردودكم السنعة..

اذا عجبكم الموضوع ..لاتنســــون التقيم:11_1_207[1]:

(م.ن)