ازياء - فساتين سهرة و مكياج و طبخ - وجه جميل وبمواد طبيعيه...

مرحبا صبايا...
هاد اول موضوع الي ارجو انو يعجبكم كتير ..

الوحدة فينا بتحب تضل بوجه صافي وحلو كل اليوم ...

بس مو ممكن يضل الماكياج دايما على وجهك ...

ومو ممكن دايما تضلي تحطي الماسكات المصنعة لإحتوائها على مواد كيميائية . ممكن بعد فترة تتأثر البشرة بسببها ...

وكلنا بنحب انو لما الناس يشوفونا يمدحو جمال وجهنا وبشرتنا ومو يمدحوا ماركة الماكياج الي تخبي العيوب ..

المهم هاي طريقتي للأعتناء ببشرتي بعد يومين تلاتة يكسب الوجه صفاء ولون بجنن..

اول شي واهم شي الوجه:

*اهرسي خيارة بقشرها جيدا جدا وحطيها على وجهك لمدة من ربع ل نص ساعة...
غسلي وجهك بمي دافية ...

* اذا عندك سواد حولين العيون او بقع داكنة اعمليه كل يوم حتى يروح السواد وبعدين ممكن تعمليه مرتين في الأسبوع..

*واختاري يوم بالأسبوع تخلطي ملعقة صغيرة لبن وملعقة صغيرة عسل اخلطيهم وحطيه ماسك تحت وحوالين العيون وحطيه كمان على البقع الداكنة على الوجه...
*ولا تنسي اهمية شرب المي لازم تشربي من 3 الى اربع كاسات كبيرة مي باليوم بتنعش الوجه متل الزرع الدابل الي بصحصح لما يشرب المي ...

هسة ننتقل لإعطاء اللون الوردي للوجه وللخدود بعد ما صار الوجه ناعم وصافي بسبب ماسك الخيار ...

*اتعمدي انك تغسلي وجهك كل يوم بماي باردة بتخلي الدورة الدموية تمشي سريع بالوجه صحيح اول مرة راح تبردي كتير بس بعدين راح تحسي بجمال بشرتك واللون الوردي الي راح يكسبو ..

*بعدين لتحمير الخدود جيبي تلج وحطيه بشاش ودلكي فيه خدودك بحركة دائرية راح تشوفي الحمار الي راح تكسبو خدودك ومع تكرار هاي العملية كل يوم راح يضل وجهك صافي مورد والخدود حمرة بتجنن

شو ضل ؟؟ ضلو الشفايف :
*الشفايف حطي عليها مربى بنكهة الفراولة او الكرز المهم يكون لون المربى احمر وخليه على شفايفك لفترة مو تلحسيه هههههه وهيك بكتسب لون احمر طبيعي بجنن :0108:

بعد فترة من الزمن ما بين 3 ل 5 ايام بشرتك راح تصير كتير حلوة .. انا عملت هاي الطريقة وكل الي حوالي حسو بفرق بوجهي .. حتى زوجي صار يحكيلي شو مالك حلويتي ههههههههههه :sddhgh:

بتمنى اكون ساعدتكم كتير وتفرحو بالنتيجة متل ما فرحت انا .... والله يسعدكم يارب وسلامتكم... :5_1_123v[1]: