ازياء - فساتين سهرة و مكياج و طبخ - شوربة الخضار بالشعرية مقادير شوربة الخضار بالشعرية 2013

شوربة الخضار بالشعرية

على فكرة الطبق ده طعمه حلو جداً، وكمان خفيف على المعدة في رمضان ده؛ غير أنه هيفتح نفسك على الأكل، وهيعوّض جسمك عن نسبة السوائل اللي ممكن يفقدها بسبب الصيام، ودي أسهل طريقة لعمل شوربة الخضار...

http://www.boswtol.com/sites/default...ul/30/3661.jpg

المقادير:

* 1/4 كيلو بسلة

* 1/4 كيلو فاصوليا خضراء

* 2 حبة جزر مقطعة مكعبات متوسطة الحجم

* 2 حبة بطاطس مقطعة مكعبات متوسطة الحجم

* 2 حبة كوسا مقطعة مكعبات متوسطة الحجم

* 1/2 كوب شعرية

* معلقتين سمنة

* ملح وفلفل

* شوربة فراخ أو لحمة

* مكعب مرقة دجاج "-اختياري"-

* حزمة بقدونس مقطعة قطع صغيرة "-للتجميل"-

* عصير ليمونة "-اختياري"-

http://www.boswtol.com/sites/default...ul/30/3661.jpg

الطريقة:

1- هاتي حلة صغيرة واسلقي فيها البسلة والفاصوليا، وبعد كده اغسليهم بالمية الباردة، وحطيهم في المصفاة علشان تتخلصي من أي مية ممكن إنها تكون موجودة.

2- هاتي الحلة اللي هتعملي فيها الشوربة، وحطي فيها معلقتين سمنة، وحطيها على النار، بعد كده ضيفي ليها الشعرية وقلبيها لغاية ما تحمرّ ويبقى لونها ذهبي.

3- هاتي باقي الخضروات وضيفيها للشعرية، واستمري في التقليب لمدة عشر دقائق، وبعد كده ضيفي إليهم مكعب مرقة الدجاج وشوربة الفراخ أو اللحمة وسيبيهم على النار لمدة ربع ساعة أو لغاية ما الشوربة تغلي، بعد كده هدي النار وسيبيها لمدة ربع ساعة أو لغاية ما تلاقي الخضار استوي، وقبل أذان المغرب بربع ساعة صبي الشوربة في أطباق الشوربة، وضيفي ليها البقدونس المقطع وعصير الليمون.

http://www.boswtol.com/sites/default...ul/30/3661.jpg