ازياء - فساتين سهرة و مكياج و طبخ - حنا تعودنا نجامل على حساب عقولنا وقلوبنا والسنتنا

https://hh7.an3m1.com/Sep/an3m1.com_809360a0e71.png

حنا تعودنـا نجامـل علـى حسـاب
عقولنـا ، وقلوبـنـا ، والسنتـنـا

اغراب صوت وقولنـا مالـه اعـراب
نزعـل وإذا جينـا انتكلـم / سكتنـا

حنا اولي قوة واولي بـاس ، والبـاب
ومـن طيبنـا نحفـر وندفـن تحتنـا

بيـن التكاثـر والتفاخـر بالانسـاب
النـاس راحـت للقمـر واتركتـنـا

اذا ضربنا غيرنـا ، نضـرب البـاب
ماهـوب قـل ، الا ضيـاع بركتـنـا

لو ، كان فـالامـه ثلاثيـن خطـاب
جينـا امـم فـغيـاب خطـاب جتنـا

تبنى دول وتطيح من فعـل الاحـزاب
ونـشـوف طيحتـهـا ولاعلمتـنـا

مع شين واقعنا نوقف علـى اعتـاب
اعـوام ،مـر ايـام منهـا وكوتنـا

حنا من التاريخ فـي صفحـة كتـاب
اذا خذلـنـا سنيـنـا ، شققـتـنـا

الاندلـس راحـت وجبنالهـا اسبـاب
وهالحين نفـس اسبابهـا حاصرتنـا

مابين فرس وروم ،واصحاب واغراب
جتنـا مـن الذلـه خيـول ووطتنـا

مدري متى نصحى ونقدر على إرهاب
عدوانـنـا بجيوشـنـا واسلحتـنـا

الارض ماهي : مدن ، وحدود ، وتراب
والارض ماهـي :دورنـا وابنيتـنـا

الارض عرض ،وشبر منها إذا غـاب
يعنـي خلـل فينـا وفـي مرجلتنـا .!

للشاعر : عفاس بن حرباش آلعتيبي ..
راقت لي لكم