صواني فرن لذيذه
 

صينية التوست بحشوة الدجاج


المقادير

شرائح توست من دون الأطراف
صدر دجاج مسلوق ومنتف
بصل ، جزر مبشور ، فلفل أخضر
ملح ، بهارات حسب الرغبة
قشطة
جبن كاسات
مايونيز

أولا : الحشوة :
1- يحمس البصل مع شوية زيت ويضاف بعدها شرائح الفلفل الأخضر .
2- يضاف الدجاج مع مع وشوية بهارات ، وفي النهاية يضاف الجزر المبشور

ثانياً : الصلصة :
علبة قشطة + 3 ملاعق كبيرة جبن كاسات + 3 ملاعق كبيرة مايونيز

الطريقة :

1- في صحن البايركس ادهني شوي مع الصلصة وبعدها حطي طبقة من التوست
2- فوق طبقة التوست تدهن شوي صلصة وبعدها الحشوة كاملة
3- توضع طبقة توست فوق الحشوة ويصب فوقها باقي الصلصة مع مراعاة انها تغطى التوست كامل
4- توضع في الفرن بدرجة حرارة متوسطة يعني بحدود 200-180 ّ لمدة 12-15 دقيقة
5- بعد ماتشقر من تحت تفتح النار من فوق عشان تعطيها اللون الذهبي


صينية خضار بالدجاج قمه في الروعه

تقطعين خضار بطاطس وباذنجان وجزر وكوسة اذا موجود انا ما حطيت وفلفل بارد وتحطينها بالصينية
تضيفين ملعقة زيت وتتبلين الخضار بملح وبهارات وفلفل اسود وشوية كمون

هذي الصورة التتبيله واضحة تقلبينهم مع بعض وعلى الفرن تكونين مولعة النار العلوية وارفعي الخضار فوق حتى تتحمر

في هذه الاثناء نكون مقطعين بصل صغار وشوية فلفل بارد ونحمسهم عالنار مع ملعقة زيت
بعد ما يذبل البصل نضيف مكعب ماجي وملح وبهارات وكمون ونقلب نسيت اصور البصل لما اضفت البهارات

نكون مقطعين الدجاج قطع صغيرة بالعظم نسيت اصورها ونضيفها عالبصل ونسكر القدر لما تطلع موية الدجاج
بعدها نقطع 3طماطم ونطحنها بالخلاط مع ملعقة صلصة
ونضيفها لى الدجاج ونتركها تتسبك

نشوف الخضار بين فترة والثانيه ونقلبها لا تنسون

بعد ما يتسبك الطماطم مع الدجاج نضيف ملعقتين قشطة ونحركها


نتركها دقيقتين بعدين نطلع الخضار من الفرن بتكون متحمرررة ومستويه نص استواء يمي يمي
نضيف خلطة الدجاج والطماطم على الخضار ونحطها عالغاز من فوق مو في الفرن ونغطيها بقصدير ونتركها حوالي ربع ساعة على نار هادية او 10 دقايق اذا مستعجلة ويقدم


صينية الخضار بالبشاميل
لذيذة وبسيطة ومفيدة

الطريقة مع المقادير |

خضار منوعة ومقطعه ( كوسا + جزر + بطاطس + زهره + فطر طازج مقطع شرائح + حبوب ذره + حبوب بازلاء )
نسلق الذرة وبقية الخضار تحمس في زبدة على خفيف
لاخلصنا من الخضار نحط عليها ملعقتين كبيرة جبن سائل + قشطة ونخلطهم

نجي ألحين للبشاميل |
3 ملاعق طحين + 6 ملاعق حليب باودر + 3 ملاعق زيت + 3 كاسات ماء + فلفل + ملح
تخلطيهم مع بعض أول شي بعدين نرفعهم على النار وحنا نحرك الخليط عشان التكتلات تروح
لاخلصتي من البشاميل ، وصفيتي الخضار من الماء ! تصبين البشاميل فوق الخضار لين تتغطى كلها
نرش وجه الصينية بالموزاريلا وندخلها الفرن تتحمر
وبألف عافية


صينية خضار بالبشاميل روعه

صدر دجاج مقطع قطع صغيرة ( أو لحمة مفروومه )

بصل وثوم مفروم
خضار اختيارية مقطعة حلقات


( انا اخترت بطاطس وجزر وكوسه والكميه على حسب الصينة اهم شي انها تكفي طبقتين

الطــــــــــــريــــــــقــــ ــــة


حطيت قدر فيه موية مغلية على النار وذوبت فيه مكعب
ماجي وشوية مرة ثوم..عشان يعطي نكهة فقط

سلقت الخضار كلها واحتفظت بموية السلق>>سر


سبكت الدجاج أو اللحمة بشوية بصل وثوم مع زيت على النار
وحطيت بهارات مشكلة وملح..وملعقة صلصة طماطم
رصيت نصف الخضار في الصينية كطبقة اولى


وبعدها حطيت اللحمة او الدجاج


وبعدها حطيت باقي الخضار

وبعدها سويت الباشاميل بالطريقة العادية

اللي هي

ملعقتين زبدة

ملعقة كبيرة دقيق

كوب حليب سائل ( هنا انا حطيت بداله كوب من مويه السلق مع 3 ملاعق حليب بودرة )

ملح

وفلفل اسود

( ممكن زيادة الباشاميل على حسب الصينية )

ثم نضعها بالفرن من فوق وتحت على نار قوية
حتى يحمر الوجه وتقطع وتقدم وهي حارة

بالهناء والعافيه على قلوبكم

رد: صواني فرن لذيذه
 

رد: صواني فرن لذيذه
 

رد: صواني فرن لذيذه
 

تسلمى على مجهودك

رد: صواني فرن لذيذه
 

يسلمووووو