دخيلك ما أبي تبدي السنه هذي جروح جداد ،
 

دخيلك ما أبي تبدي السنه هذي جروح جداد ،
_____________ قديم الصبر .. يا معنى معاي وغيبتك ضدي !

سنه حلوة .. إذا شفتك قريب وخلق الله أبعاد :
_____________ معاك أضيع في عز الكلام أقول : من قدي ؟

خبر عنّك يدمّرني يشتت كل ( حروف الضاد ) !
_____________ حسافه ، كنت بكتب لك لقيت الوقت مايمدي

تبي تسافر ؟ تخليني على شانك ، أحب بلاد .. .
_____________ فمان اللـه إذا ودّك [ تسافر ] بس ما ودي :

يموت النوم فـ ( غيابك ) ويخلق للسهر ميلاد ،
_____________ أنا وشلون أغمضها عيوني ؟ وإنت مو عندي !

حبيبي طفلي الأكبر بكوا من غيبتك { أولاد } ،
_____________ يبونك تشعل شموع السنه و أتضايق بـ ردي .

يسارك جرح لكن في يمينك لي دوا وضماد ،
_____________ غيابك يومي الأسود وشوفك حلمي الوردي !

تخيّل كثر ما ( أحبك ) شعور الشوق فيني زاد :
_____________ شعلت النار من شوقي ولاحسّيت في بردي !!

أنا مو قصدي يابختك لأنك زرت كل بلاد ..
_____________ يابخت بلاد زارتها عيونك هذا هو قصدي ،

تطيح دموع ماترجع وأبي ترجع لي يالله عاد ..
_____________ حزين اليوم أطالع [ صورتك ] وإيدي على خدي !

:084::084:

رد: دخيلك ما أبي تبدي السنه هذي جروح جداد ،
 

كالعادة ابداع رائع
وطرح يستحق المتابعة
شكراً لكِ
بانتظار الجديد القادم
دمتي بكل خير