ازياء - فساتين سهرة و مكياج و طبخ - الفاتحة على روح الغالية (( لحظة سكون))

يا أيتها النفس المطمئنة ارجعي الى ربك راضية مرضية فادخلي في عبادي وادخلي جنتي

اعوذ بالله من الشيطان الرجيم
بسم الله الرحمن الرحيم

الحمدلله رب العالمين الرحمن الرحيم مالك يوم الدين اياك نعبد واياك نستعين اهدنا الصراط المستقيم صراط الذين انعمت عليهم غير المغضوب عليهم ولا الضالين امين

صدق الله العظيم

انا لله وان اليه راجعون

لا حول ولا قوة الا بالله العلي العظيم

مبارح يابنات اجاني خبر جدا صدمني وهو وفاة اغلى واحن انسانة على قلبي ( لحظة سكون )
عنجد مبارح ما صدقت انا شو عم بقرا ما صدقت عبالي بحلم او مو واعية على حالي
بعدين اكتشفت انو خبر وفاتها صحيح 100% لا شك فيه

كانت اغلى انسانة علي قلبي
كتبتلي موضوع عن عيد ميلادي وعطتني هدية وحطتلي صور كيك وعصير وحلويات عنجد محدا اهتم فيي الا هي
انا ما كنت بعرف اسمها بس انو هي من السعودية
وللاسف عرفت اسمها مبارح وانا عم بقرا موضوع عزاها اللي كتبتوا الاخت بنت النهرين جزاها الله كل خير

تعرفون يا بنات وصت اختها توصلي سلام قبل ما تموت قالتلها سلميلي على صديقتي روان ( برنسس رنوش)
وكان اخر شي تطقتو هو اشهد ان لا اله الا الله واشهد ان محمد رسول الله
وقالت لاهلها اذا متت فخبروا صديقاتي بالمنتدى اني خلاص رحلت عن هالدنيا

ياااااربي ريتو ربي اخد روحها وخلاها طيبة
ليش الناس الطيبين والغاليين دائما نخسرهم ليش؟؟؟
السنة الماضية توفت صديقتي سورية بحادث سيارة هي وابوها واخواتها الاثنين وكان الخبر علينا كانو حدا كب علينا مي باردة كانت صديقة اختي من الروح للروح
وكانت صديقتي كمان
وفجأة نسمع بخبر وفاتها
وهلا صديقتي لحظة سكون غادرت هالدنيا الفانية وراحت روحها لباريها ادعي ربي يغفر لها ذنوبها ويوسع قبرها ويدخلها جنان الخلد ويصبر اهلها على فقدان غاليتهم

يا بنااااااااااااااااااااات انا صرت بخااااااااااااااااااااااااااف وربي خايفة اني افقدكم وترحلوا مثل ما رحلت هي من حياتي
او انا اللي بموت وبرحل عنكم وبفقدكم
يا بنات صرت خايفة اتعرف على بنات واتعلق فيهم بعدين يرحلوا وكأن شيء لم يكن
يا بنااااااااااات اذا متت ادعولي ولا تحرموني دعواتكم ولا تبخلون علي فيها
انا كتير بحبكم كتيييييييييييير وما جمعني فيكم غير الحب في الله عسى ربي يجمعنا سوا بجنة الفردوس انا بخاف كتير من الفراق ما بدي افترق عنكم واذا متت اتاكدوا اني بحبكم في الله
وما رح انساكم بحياتي مواحات يا غاليات يا احلى اصدقاء تعرفت عليهم
ربي لا يحرمني منكم ابدا ابدا يارب يطول بعمركم والتقي فيكم بيوم من الايام يااااااااااااااااارب

بناااااات انا كتبت هالموضوع وبعرف انو في بنات كتبوا كذا موضوع عنها
بس هذا الموضوع خاص فيي انا لاني صديقتها وحبيبتها وغاليتها من مبارح وانا ببكي عليها:a2::a2::a2::a2::a2::a2:: a2:
واللي قرؤوا الفاتحة عليها بهديك المواضيع يجوا يقرؤوها هون مو مشكلة
يلا يا بنات اقرؤوا الفاتحة على روحها وادعولها بصلاتكم

ان لله وان اليه راجعون