الفراخ المشوية بطريقة الشيف يسرى
 

السلام عليكم ورحمة الله وبركاته

ازيكم يا بنوتات يا حلوين

جبتلكم النهاردة فراخ مشوية على شفتها على قناة الحياة
من أسبوعين تقريباً
ودخلت دماغي أوي
وقررت اني أعملها في أقرب فرصة
وفعلا عملتها وطلعت تحفة

المقادير

فرخة كاملة
1/2 كوب زبدة
2 ملعقة كبيرة زعتر
2 ملعقة كبيرة عصير ليمون ( ليمونة كاملة كبيرة)
بشر ليمونة
كسبرة ناشفة
بهارات
ملح وفلفل

http://files.fatakat.com/2009/11/1258756712.jpg

نجيب الفرخة ونغسلها كويس أوي
وانا هنا جبت فرخة بلدي لأني بحب البلدي جدا
بس براحتك لو بتحبي الفراخ البيضا مفيش مشكلة
بس الفرخة تكون صغيرة مش كبيرة
علشان مايكونش فيها دهون وكمان تستوي بسرعة
ونفصل الجلد عن اللحم


http://files.fatakat.com/2009/11/1258756858.jpg
http://files.fatakat.com/2009/11/1258756935.jpg

بعد كده نعجن الحشوة مع بعضها
وعلى فكرة بالنسبة للناس اللي بتعمل ريجيم مايخافوش خالص من الزبدة اللي هتحشوا بيها الفراخ
هي هتدي لون ذهبي بس للجلد من بره
وهتسيح وهتنزل كلها مع الصوص
وممكن تكبيها بعد ما الفرخة تستوي
غير كده احنا بنشيل جلد الفراخ عند الأكل
http://files.fatakat.com/2009/11/1258757119.jpg

بعد كده نجيب صينية نخرط فيها بصلة كبيرة
وتكون متبلة بالملح والفلفل
وممكن نحط عليها أعواد زعتر

http://files.fatakat.com/2009/11/1258757251.jpg

بعد كده نتبل الفراخ ونحشيها بالحشوة من جوا
مابين الجلد واللحم
ونكتفها كويس جدا
نلف الجناح من ورا عكسي
والوراك ممكن ندخلها في الفرخة نفسها او نلفها بخيط دوبارة
ونحطها فوق البصل في النصف

http://files.fatakat.com/2009/11/1258757423.jpg

ندخلها فرن يكون متسخن قبل كده ونسيبها لمدة 10 دقائق على نار عالية
ونخرجها تاني نلفها بورق سيلفر

http://files.fatakat.com/2009/11/1258757533.jpg

http://files.fatakat.com/2009/11/1258757629.jpg
بعد كده ندخلها الفرن على نار متوسطة
نسيبها لمدة نصف ساعة
وبعدين نهدي عليها النار ونسيبها تستوي براحتها ع الهادي

بعد كده نعمل الأرز
وانا الحمد لله بعمل رز حلو أوي
نقول بقا الطريقة

أنا أخدت الكبدة والقناصة والقلب بتاع الفرخة
قطعتهم قطع صغيره اوي
وقطعت بصلة متوسطة
شوحتهم في الزبدة وشوية زيت ذرة صغيرين
( لازم تحطي زيت علشان الرز مايلزقش منك )
وحطيت معاهم
زبيب
لوز مقطع (ممكن سوداني مقشر بيكون أحلى واطعم)
معلقة كبيرة نعناع ناشف
معلقة كبيرة كركم
معلقة كبيرة قرفة
ملح وفلفل
بقلبهم كويس وأحمرهم في الزبدة

http://files.fatakat.com/2009/11/1258757901.jpg
بعد كده بنضيف الرز للخلطة دي وبنكون ناقعينه شوية في الميه
http://files.fatakat.com/2009/11/1258758299.jpg

بعد كده ضفت له الشوربة وسبته يستوي بالطريقة العادية

بعد كده الفراخ استوت وطلعتها من الفرن وده كان شكلها

http://files.fatakat.com/2009/11/1258758546.jpg
وبعد ما الرز استوي
حطيت الرز على طبق سيرفيس كبير
وصوص الفراخ من حواليه
وحطيت الفرخة في النصف
وده كان شكلها النهائي


http://files.fatakat.com/2009/11/1258758643.jpg

وعلى فكرة انا نسيت ادهنها زبدة من فوق
لو كنت دهنتها كان هيبقى لونها ذهبي أكتر من كده
معلش بقا دي اول مرة أعمل فيها فراخ مشوية بالشكل ده
بس حقيقي طلعت تحفة
ريحتها كانت حلوة جدا جدا وهي في الفرن
وطعمها كان يجنن
بشر الليمون مع الزعترمديها طعم جنان
جربوها وعلى ضمانتي
وبالهنا والشفا

عايزة ردود كدة

رد: الفراخ المشوية بطريقة الشيف يسرى
 

رد: الفراخ المشوية بطريقة الشيف يسرى
 

رد: الفراخ المشوية بطريقة الشيف يسرى
 

رد: الفراخ المشوية بطريقة الشيف يسرى