ازياء - فساتين سهرة و مكياج و طبخ - ليله رومانسيه حالمه وهادئه المهم تنفزيها ادخلي بسرررررررررررررررررررعة

السلام عليكم

انا شوشو فرع الشقاوة فكرني ولا نستوني علي العموم انا عارفه انكم بتحبوني وبتحبوا مواضيعي زي مانا بحبكم وبحب مواضعكم انا عايزه اقلكم علي حاجه مهمه هي اني بكتب المواضيع ده وبتعب فيها علي امل انكم تنفزوها انا بتمني ميكنش فيه اي خلاف ابدا بين اي اثنين متجوزين عشان كده لازم توعية السيدات والبنات المقبلين علي الزواج ولازم تعرفي انك انتي السبب في هدوء البيت او عدم هدوئه ولازم تكوني بشوشه ومرحه ورشيقه والرشاقه مش معناها انك تكوني رفيعه لا بس لازم تكون حركتك سريعه وميكنش فيه خمول ولا كسل ولازم كمان تكوني ودوده لزوجك واهله حتي لو يعني فيهم العبر دول اهل زوجك رضاهم من رضاه وطول ماهما كويسين وانتي كويسه معاهم يبقي هتروح اي خلافات من ناحيتهم
وكمان احب اقلك بلاش الزن علي الودان ده بيجيب النكد علي طول خليكي خفيفه وروحك خفيفه وطلباتك بسيطه مش تعقدي الامور وياكده ياتزعلي وتتأمصي ويمكن كمان تسيبي البيت بسبب حاجه تافهه جدا
انا اسفه طولت عليكم ولكن حبيت اقلكم شوية نصائح اتمن تعملوها

وكمان جبت معايه ليله رومانسيه حالمه وهادئه المهم تنفزيها وباقل التكاليف العندك ومش لازم تكلفيها جامد يعني
بصوا انا عملت لكوكي جوزي وحبيبي ليله جمده جدا انا هكتبهلكم وهوريكم شوية صور قريبه من اليله ده بس اتمني تنفزوا زيها او شبها والبتتحجج بالعيال نيميهم بدري ياستي او ابعتيهم عند ولدتك او اختك او اي حد المهم طبعا يكونوا بامان المهم من الاخر خلي البيت هص هص مفيش نفس عشان السهرة ولا ايه
هههههههههه المهم انا هحكلكم بقي عل السهرة خليكوا معايه

صحيت الصبح وحضرت الفطار قبل شغله بنصف ساعه ورحت رشيت علي ايدي برفين هادي وجيت عند خده ومسحت ايدي عليه ونفخت في ودنه برااااحه وهمستله اصحي يا حبيبي الفطار جاهز هتتأخر يا عنيا وقعت اهزو واهرج لحد ما صحي المهم براحه وبشووووووووووووويش وبعدين اخذته علي الحمام وكان الحمام متجهز يعني مكنة الحلاقه موجوده والكريم والفوطه والافطر شيف بعد الحلاقه ولو هياخد دش تكوني مجهزه الشامبو والشور والبشكير المهم رحت انا حطيت الفطار علي السفرة وكان فنجان شاي بلبن وجبن وبيض المهم حاجه خفيفه كده علي الماشي ورحت اول ما خرج من الحمام جريت علي الغرفه تاني لبسته القميص والبدله والجرفته وكمان الجذمه أعزكم الله ومش عيب تلبسي جوزك الجذمه ده حاجه ترفع شأنك في نظره
المهم فطر وقبل ما ينزل اديته جواب وقلتله جالك امبارح ونسيت ادهولك ابقي اقراه في السكه
وكنت كاتبه في الجواب اني من شركة تجميل وهيبعتوا خبيرة تجميل ليه وهي انا هههههههههه طبعا
وهتديله هديه جميله مجموعه كريمات خاصه بالمساج وانه هو الوحيد الفاز بالهديه لانه اسهد زوج في الدنيا ولازم انه يتصل عشان ياكد موافقته علي الهديه وكتبت رقم موبايلي ههههههههههههههههه
وبعدين رحت اجهز للحفله
1. عملة حمام كريم لشعري عقبال ما اخلص الغدا
2.جهزت لبس حلو يعني قميص نوم طويل وبفتحه بس يشبه فستان سواريه وده المهم انه يشبه فستان سواريه والعندها فستان سواريه يكون كويس والمعندهاش تدبر نفسها باي قميص شيك وحلو
3. دخلت المطبخ وحضرت اكله خفيفه وتكونش دسمه قوي عشان الراجل ماينمش منك ههههههههه
4.وضبت البيت وجهزته حلو جدا وحطيت ورد احمر في كل مكان ولو مش موجود ورد حطي الورد الصناعي العندك وبعدين وزعت الشموع بطريقه عشوائيه وجميله
http://photos.azyya.com/store/upload...155448w3OO.jpg http://photos.azyya.com/store/upload...155453rAOt.jpg
http://photos.azyya.com/store/upload...155457q9QZ.jpg
5.وحضرت في الغرفة جمب السرير سبت فيه مجموعت الكريمات الهي الهديه طبعا هههههههههههههههه وعلي السريرحطيت ورد وعلي الارض وكمان نفخت شوية بلالين وحطيت فيهم كروت حلوه فيها جمل رومانسيه
http://photos.azyya.com/store/upload...155507o8k1.jpg
http://photos.azyya.com/store/upload...155507lse9.jpg
وبعدين
6.اتفقت معاه يرن اول مايقرب من البيت
http://photos.azyya.com/store/upload...1555129DXb.jpg
7.وجريت بقي لبست وتمكيجت مكياج صارخ جدا لانها سهره وعملت ديل حصان عالي قوي وبطريقه شيك وجميله بعد ما شطفت شعري طبعا من الكريم
واول ما وصل جريت طفية النور وولعة الشموع وجريت عليه وحضنته وقلتله حمدله علي سلمتك ياحبيبي
ودخلته غرفه غير غرفة النوم عشان المفاجئه لو مفيش جهزي حجاته في الحمام المهم لبسته بجامه شيك قوي كنت مجهزاها وحطيت الاكل واتغدينا وبعد الغدا جبت البالالين وخليته يفرقعها عشان يقرا المكتوب فيها
ودخلنل الغرفه عشان اوريلوا الهديه وانتي بقي عليكي الباقي ههههههههههههههه
عيزاكي تستفردي بيه ههههههههههههههههههههههههههههه

يارب يكون كلامي عجبكم ومستنيا ردودكم