|
معاناتي مع أم زوجي افيدوني
بسم الله الرحمن الرحيم
هذا اول موضوع لي بالمنتدى ... واحلف لگم بالله ان گل گلمه اكتبها من واقع حياتي الزوجيه(التعيسه) تزوجت وعمري18سنه بعد الثنويه علطول (ماگنت اعرف شي فالحياه وسوالف الحريم وكيدهم) كانت خالتي(ام زوجي) متسلطه وسليطة اللسان ومحد سلم من لسانها القريب والبعيد وتدخل نفسها في كل صغيره وكبيره حتى باول اسبوع زواج صارت كارثه بينها وبين امي وتوالت المشاكل وگنت خدامه عندها من اول يوم دخلت عليها فيه اكنس واطبخ واغسل واكوي (وفوق هذاا كله ماتشووف الي اسوويه) حملت ونفس الشي ماتغيرت اطباعها بالعكس تدخل في كل صغيره وكبيره حتى دكتوورتي ماترضا اروح لها اراجع بحجه انها ماتفهم للطب!!! وصرت اراجع في مستشفا خاص وقررت اني اولد بنتي عندهم بنفس المستشفا وكنت بكر !؟والبكر ماتبي الا اهلها واهلي كان بدوله غير دولة زوجي بسسسسسس زوجي مارضا اسافر لاهلي الا اولد بالمستشفا هذا!؟ لكن بالهداوه عرفت له ووافق اربي عند اهلي رحت لاهلي ...! قعدت اسبوع في المستشفا.. لااتصال ولامسج منها او منه او من ابوه استغربت منه حتى بعد ماولدت لااتصل ولاحتئ تعنا ويا يشوف بنته مع العلم ان بنتي اول حفيده لاهله!!!!!!!!!! تدرون ليش ماسال عني طول فتره النفاس (لان امه مو راضيه اولد عند اهلي) تميت زعلانه لمده 4شهور بعدها يا ابو زوجي وزوجي وراضوني واعتذروا لي بس ماكنت راضيه عليهم لكن عشان خاطر دموع اامي الغاليه ولكن الحال تم وبقي كما هو لدرجه اني توني جبت خدامه لبنتي بعد مرور سنه كامله على العلم اني طالبه جامعيه سافرت لاهلي والخدامه؟؟عندها تخدمها هي وبناتها الى اليوم وزوجي لايبالي تغيرت تصرفاته وصار يخوني مع بنات الحرام وانا!!!! انفجرت ماعدت اصبر ابي مساعدتكم الله يجزاكم خير |
رد: معاناتي مع أم زوجي افيدوني
يا عمري الله يهديها شو بدك تعملي
حسبي الله ونعم الوكيل بهيك ناس |
رد: معاناتي مع أم زوجي افيدوني
استغفر الله ياربي
استغفر الله بس..... والله ما بستغرب لانو في مثلك مثايل يا روحي في ناس متل معاناتك واكثر بس ما اقول غير حسبي الله ونعم الوكيل بهيك بني أدمين معقول توصل لدرجة الخيانة؟؟؟؟؟ معقول وعندو بنت لسا ما صار عمرها سنتين !!!!!! استغفر الله يا اختي والله ما عندي شي احكيلك يا غير اني ادعيلك من كل قلبي انو الله يصلح بالك وبال زوجك وحماتك ويرجع زوجك مثل اول واحسن ان شاء الله واكيد المتزوجات واللي عندهم خبرة رح يساعدوكي اكتر مني لانو ما عندي خبرة بهيك مشاكل وربي يوفقك ويهديكي زيصلح بال المسلمين جميعا واي خدمة انا تحت امرك حبيبتي تحياتي لكــ |
رد: معاناتي مع أم زوجي افيدوني
الله يجزاكم الف خير وربي يوفقكم ولايوريكم الي انا عايشته يارب
بغيت مسااااعده من بنات عندهم خبره بالحياه الزوجيه جزاكم الله الف خير |
رد معاناتي مع أم زوجي افيدوني
اقتباس:
مشكوره علرد يالغلااآ |
| الساعة الآن توقيت السعودية الرياض و الدمام و القصيم و جدة 06:35 PM. |
Powered by vBulletin® Copyright ©2000 - 2024,
vBulletin Optimisation provided by
vB Optimise (Pro) -
vBulletin Mods & Addons Copyright © 2024 DragonByte Technologies Ltd.