ازياء - فساتين سهرة و مكياج و طبخ - عطيتك كل أيامي من اغسطس إلى أيلول

عطيتك كل أيامي من اغسطس إلـى أيلـول

عـلى طـاري عـيـونـك

على طاري عيونك لو سمحتـي فسّـري المجهـول
عيونـك ليـه تبحـر بـي وتبعدنـي عـن افـكـاري

عيونـك اقسـم بربـي تشـرّد عالمـي المـأهـول
وتاخذنـي بعيـد هنـاك عـن ربعـي وعــن داري

أنا لو كنت ابيع ( اللول ) وادري نظرتك لي ( لول )
بصيـر لنظـرة عيونـك انـا البايـع وانـا الشـاري

تداري داخل عيوني عسـى عيـن الحسـود تـزول
انـا مـن يـوم مـا شفتـك وانـا داخلـك متـداري

أخاف إن البشر تفنى ,, وإذا ماتـوا مـن المسـؤول
يقولـون المـرض يمكـن ,, واقـول إلا وانـا داري

أنـا داري ذبحتيهـم بهمسـة حكـيـك المعـسـول
ولو يدري بك القاضي ,, حكم لـك سجـنٍ اجبـاري

أنـا وأنتـي تناسبنـا قضيـة ( قاتـل ومقـتـول )
قتيلٍ ما اعرفـوا موتـه ,, رغـم إن البحـث جـاري

حقيقة فعل مع فاعل ,, نصب مـن بعـده المفعـول
كشفت الفعل والمفعول ,, وصـار الفاعـل اسـراري

إلا منك رفعتي الرمش جيـت مـن الولـه أسطـول
وإلا منـك تبسمتـي ,, نخيـت الفكـر واشـعـاري

وإلا منك نطقتي اسمي ,, وقفت من الحكي مذهـول
وتـر صوتـك يداعبنـي يحـرّك نغـمـة اوتــاري

وإلا منك سألتيني علامك !! ,, مدري ويـش اقـول
خذيني صمت في عيونـك ,, نهايـة كـل مشـواري

تعديتي جمال النـاس ,,, وحزتـي زيـن لا معقـول
كـأن الزيـن قدامـك غـدى فـي الظـل مـتـواري

( وفاء الخل ) و ( العنقاء ) وثالث مستحيل ( الغول )
ورابعهـا تـراه انتـي يحفـظـك ربــي الـبـاري

عطيتك كل أيامي من ( اغسطس ) إلـى ( أيلـول )
مدامـك شهـري الثالـث عشـر تفـداك واخـتـاري

خطوط العرض في قلبي تساوت مع خطوط الطـول
وصار الوقت متسـاوي إلا مـن جيـت لـك سـاري

شغلتينـي بنظراتـك ,, وصـرت التايـه المشغـول
وانا فـي ذمتـي قبلـك محـد قـد حـرّك أسـواري

أدوّر للغـلا قـصـه ,, وأدوّر للـغـرام حـلـول
عيونـك أسئلـة قلبـي ,, وانـا لعيـونـك الـقـاري

وأدوّر للوله ليله ,,, عسـى ليـل القصيـد يطـول
وأدوّر للسحـاب اللـي يسـيّـل مـيـت أنـهـاري

معك كل النظر يحـلا معـك كـل العيـون تجـول
تبيـن الصـدق سميتـك كـذا ( ريمـوت انظـاري )

معك كل الشعر يطرب معـك كـل الحكـي مهبـول
معك قلبي يصيح اليوم ( أحبك يـا اجمـل اقـداري )

ثناياك الجميلـة مثـل لـون الثلـج فـي اسطنبـول
لمحت الثلـج فـي ثغـرك وذاب القلـب مـن نـاري

ذكـرت عيـون تجذبنـي وقلـت افسّـر المجهـول
وجيتـك يـا بعـد عمـري مـدام عيونـك الطـاري