ازياء - فساتين سهرة و مكياج و طبخ

فمان الله يا أول من سكن بين الضلوع العوج
عسى دربك ســــــفير ويا عسى الله ما يخلني
.ooo.
توكل لا توادع رح عسى درب الجفا المسهوج
يصادف درب فرقى عقبها ما تلمحك عيني
.ooo.
سمحت من الهوى ومن القصيد ومن زراق الموج
ورميت اغلا مجاديف الغرام وجيت بإيدني
.ooo.
ابغرق في عذابك لا رحلت ويصبح المنتوج
قصيد في حياتي سلوتي وإن مت يرثيني
.ooo.
وإذا هبن بنات الريح للذكرى بدون سروج
ابسرج مهرة النسيان وارحل من عنوايني
.ooo.
وابنسى لين اسج وابرسل الونات فوج وفوج
وابنسى دمع عيني ينتثر وانساك من حيني
.ooo.
صبور اي والله اني ما ثنيت العزم قبل ادوج
برضان الجفا ورمال وصلك لين تسقيني
.ooo.
شجاع اي والله اني ما عرفت الذل قبل اسوج
قدم رجلي على درب لبيت اهلك يوديني
.ooo.
كريم اي والله اني ما عرفت الشح قبل تروج
دموعي في عيوني ثم اشح بحسرتي فيني
.ooo.
احبك حسبي الله ليت مالك في سماي بروج
ولا لك في البسيطه كود شئ بينك وبيني
.ooo.
دخيلك لا تفلت رح بفالك واترك المرجوج
تغانم ما بقى لك والا انا ما عاد يمديني
.ooo.
فمان الله سق ركبك على درب السنين العوج
لكن! طالبك لا أقفيت عني لااااا.. تخليني